پوليسەيلەر ولاردى ۋاقىتشا ۇستاۋ يزولياتورىنا قامادى.
الماتىدا پاتەر توناۋدىڭ ءۇش فاكتىسىنە قاتىسى بار دەگەن كۇدىكپەن ەكى ازامات قاماۋعا الىندى، دەپ حابارلايدى Almaty-akshamy.kz.
ىشكى ىستەر مينيسترلىگىنىڭ رەسمي سايتىنداعى مالەمەت بويىنشا، ۇستالعانداردىڭ قىلمىس جاساۋ تىزبەگى ستاندارتتى بولعان. پوليسەيلەردىڭ ايتۋىنشا، ولار اۋلالاردى ارالاپ، كوپ قاباتتى ۇيلەردىڭ تەرەزەلەرى مەن كىرەبەرىستەرىن اڭدىپ جۇرگەن. ۇيلەرگە كىرگەننەن كەيىن، لايىقتى كىلتتى تاۋىپ، ەسىكتى اشتقان، سوسىن قولدارىنا تۇسكەن قۇندى زاتتاردىڭ ءبارىن العان.
«قولما-قول اقشا، ۇساق تۇرمىستىق تەحنيكا جانە ءار ءتۇرلى اشەكەي بۇيىمدار. سوڭعى فاكت «المالى» تۇرعىن ءۇي كەشەنى مەكەنجايىندا تىركەلدى. كىلتتى تاڭداۋ ارقىلى ولار پاتەرگە كىرىپ، جالپى قۇنى 500 مىڭ تەڭگەنىڭ جەكە مۇلكىن ۇرلاپ كەتكەن»، – دەيدى الماتى قالاسى پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ونىڭ ايتۋىنشا، 37 جانە 35 جاستاعى ەكى قىلمىسكەر دە الماتى وبلىسىنىڭ قاپشاعاي قالاسىندا الماتى قالالىق پد كپب ارنايى توپ قىزمەتكەرلەرىنىڭ جۇرگىزگەن جەدەل ىزدەستىرۋ ءىس-شارالارى كەزىندە ۇستالدى.
مامانداردىڭ ايتۋىنشا، ۇستالعانداردىڭ ەكەۋى دە بۇرىن ءىستى بولعان، ۇرلىق، توناۋ جانە قاراقشىلىق ءۇشىن جازاسىن وتەگەن. قازىرگى ۋاقىتتا ۇستالعانداردىڭ الماتى قالاسىندا پاتەر توناۋدىڭ ءۇش فاكتىسىنە قاتىسى بار ەكەندىگى دالەلدەندى. ولار ۋاقىتشا ۇستاۋ يزولياتورىنا قامالدى. ق ر قك-نىڭ 188-بابى 3-بولىگى بويىنشا سوتقا دەيىنگى تەرگەۋ امالدارى جۇرگىزىلۋدە.
