الماتى قالاسى، الماتى جانە جەتىسۋ وبلىستارى بويىنشا قىلمىستىق-اتقارۋ جۇيەسى دەپارتامەنتىنە قاراستى №11 مەكەمەسىندە «نەلسون ماندەلا» كۇنىنە وراي «ازاپتاۋلارعا جانە باسقا دا قاتىگەز، ادامگەرشىلىككە جاتپايتىن نەمەسە ار-نامىستى قورلايتىن ىس-ارەكەتتەر مەن جازالاۋ تۇرلەرىنە قارسى كونۆەنسيا» تۋرالى ءدارىس ءوتتى، دەپ حابارلايدى اlmaty-akshamy.kz.
حالىقارالىق نەلسون ماندەلا كۇنىن بۇۇ باس اسسامبلەياسى 2009 جىلدىڭ قاراشاسىندا بەكىتكەن. جىل سايىن 18 شىلدەدە وڭتۇستىك افريكاداعى اپارتەيدكە (ناسىلدىك كەمسىتۋشىلىك) قارسى ەڭ تانىمال كۇرەسكەرلەردىڭ ءبىرىنىڭ تۋعان كۇنىندە اتاپ وتىلەدى. حالىقارالىق مەرەكەلەر كۇنتىزبەسىندە بۇل كۇن افريكانىڭ بۇرىنعى پرەزيدەنتىنىڭ بەيبىتشىلىك پەن بوستاندىققا قوسقان ۇلەسىن مويىنداۋ ءۇشىن پايدا بولعان.
№11 مەكەمەسىندەگى ءسااپتجب كارانتين ءبولىمىنىڭ باستىعى ادىلەت لەيتەنانتى دامير ەركەشيەۆ كولونيادا جازاسىن وتەپ جاتقان جاسوسپىرىمدەرگە وسى كۇننىڭ ءمان-ماعىناسى تۇسىندىرىلگەنىن ايتتى. باس بوستاندىعىنان ايىرىلعان بالالار ءىس-شارا بارىسىندا «نەلسون ماندەللاعا» كۇنىنە ارناپ سۋرەت سالىپ، قابىرعا گازەتىنە وزدەرىنىڭ جۇرەكجاردى تىلەكتەرىن جازدى.
– بىزدە وسىنداي ءىس-شارالار جوسپارعا سايكەس ءجيى وتكىزىلىپ تۇرادى. سول ارقىلى قازىرگى جاسوسپىرىمدەر اراسىندا قۇقىق بۇزۋشىلىقتىڭ الدىن الۋعا، قىلمىستىڭ وسۋىنە، قاتىگەزدىككە جول بەرمەۋگە ۇلەس قوسىپ، جاستاردى ادامگەرشىلىككە جاتپايتىن نەمەسە ار-نامىستى قورلايتىن ىس-ارەكەتتەردەن اۋلاق بولۋعا شاقىرىپ وتىرامىز، – دەيدى ءسااپتجب باستىعىنىڭ مىندەتىن ۋاقىتشا اتقارۋشى ادىلەت كاپيتانى بەكزات جاقانوۆ.