ماسساچۋسەت تەحنولوگيالىق ينستيتۋتىنىڭ زەرتتەۋشىلەرى كەيبىر جاساندى زەردە جۇيەلەرىنىڭ ادامداردى الداۋعا داعدىلانعانىن راستايتىن زەرتتەۋ ناتيجەسىن جاريالادى.
پيتەر پارك ەسىمدى عالىم جەتەكشىلىك ەتكەن زەرتتەۋ توبى بۇل جاساندى زەردە جۇيەلەرىنىڭ ويىنشىلاردى ونلاين ويىنداردا الداي الاتىنىن نەمەسە CAPTCHA-نى اينالىپ ءوتۋ («مەن روبوت ەمەسپىن» دەپ اتالاتىن تەكسەرۋ ساتىسىنان وتە الاتىنىن) سياقتى تاپسىرمالاردى ورىنداي الاتىنىن انىقتادى، دەپ حابارلايدى Almaty-akshamy.kz Islam.kz-كە سىلتەمە جاساپ.
پيتەر پارك ەلەۋسىز بولىپ كورىنەتىن مۇنداي مىسالداردىڭ شىنايى ومىردە اۋىر سالدارعا ۇرىندىرۋى مۇمكىن ەكەنىن ەسكەرتتى. بۇل باعىتتاعى زەرتتەۋدە Cicero جاساندى زەردە جۇيەسى باستاپقىدا ۆيرتۋالدى ديپلوماتيا ويىنىندا ءادىل قارسىلاس رەتىندە جوبالانعان. پيتەر پاركتىڭ ايتۋىنشا، اتالمىش «الداۋدىڭ شەبەرىنە» اينالعان. تاعى ءبىر مىسال: كورۋ قابىلەتىم ناشارلادى، دەپ جالعان مالىمەت بەرگەن GPT-4س(GPT-4 - OpenAI جاساعان مۋلتيمودالدى ۇلكەن ءتىل ۇلگىسى، GPTء-تىڭ ءتورتىنشى نۇسقاسى. ول 2023 جىلدىڭ ناۋرىز ايىندا شىعارىلدى جانە ChatGPT Plus پايدالانۋشىلارى قولدانا الادى) CAPTCHA-نى (جۇيەنىڭ پايدالانۋشىسى ادام نەمەسە كومپيۋتەر ەكەنىن انىقتاۋ ءۇشىن قولدانىلاتىن كومپيۋتەرلىك تەست) اينالىپ ءوتۋ ءۇشىن ادامداردى جالداعان. پيتەر پارك AI-نى ادال بولۋعا ۇيرەتۋ قاجەتتىگىن اتاپ كورسەتەدى. ادەتتەگى باعدارلامالىق جاساقتامادان ايىرماشىلىعى - AI تەرەڭ وقىتۋ جۇيەلەرىنىڭ سەلەكسيالىق وسىرۋگە ۇقساس پروسەسس ارقىلى «داميدى». جاتتىعۋ كەزىندە ولاردىڭ مىنەز-قۇلقىن بولجاۋعا بولادى، الايدا، كەيىن باقىلاۋدان شىعىپ كەتۋ ىقتيمالدىلىعى جوعارى.