ق ر تۋريزم جانە سپورت مينيسترلىگى 2024 جىلعى 17 مامىرداعى بۇيرىقپەن بالالار مەن جاسوسپىرىمدەرگە ارنالعان سپورت سەكسيالارىنا مەملەكەتتىك سپورتتىق تاپسىرىستى ورنالاستىرۋ جانە ولاردىڭ جۇمىس ىستەۋى قاعيدالارىنا وزگەرىستەر ەنگىزدى.
ەندى سپورت سەكسياسىنا قابىلداۋ كەزەگى اقپاراتتىق جۇيەدە اۆتوماتتى رەجيمدە جۇرگىزىلەدى، دەپ حابارلايدى Almaty-akshamy.kz.
سونداي-اق بالانىڭ جانە زاڭدى وكىلىنىڭ تەگى، اتى، اكەسىنىڭ اتى (بار بولعان جاعدايدا)، سپورت سەكسياسىنىڭ ءتۇرى، ءوتىنىشتىڭ ءنومىرى مەن ۋاقىتى، سەكۋندتىڭ ۇلەسىنە دەيىن دالمە-دال، كەزەكتەگى رەتتىك ءنومىردى قامتيتىن اقپاراتتىق جۇيە ۇسىنعان مالىمەتتەر نەگىزىندە بولۋگە ارنالعان ورىنداردىڭ ءتىزىمىن قامتيدى. كەزەك بالالاردىڭ زاڭدى وكىلدەرىنىڭ بەرگەن ءوتىنىشى بويىنشا بالانىڭ جاس شەكتەۋلەرى ەسكەرىلە وتىرىپ، ءونىم بەرۋشىنىڭ ءاربىر سپورت سەكسياسى بويىنشا جەكە قۇرىلادى.
ىشكى ىستەر ورگاندارىندا ەسەپتە تۇرعان ديەۆيانتتى مىنەز-قۇلىقتى بالالار باسىم تارتىپپەن اقپاراتتىق جۇيەدە تىركەلەدى. وسى نورمانى قوسۋ ارقىلى ەرەجەلەر «ءبىلىم تۋرالى» زاڭنىڭ 47-بابىنىڭ 5-1-تارماعىنا سايكەستەندىرىلدى.
بۇدان بولەك، تۇزەتۋلەرمەن كەزەكتەگى پوزيسيا زاڭدى وكىلدەردىڭ ءوتىنىشتى قايتارىپ الۋىنا بايلانىستى نەمەسە ۆاۋچەردى الۋ جانە بالالاردىڭ كەزەكتەن شىعۋى سەبەبىنەن كەمۋ جاعىنا قاراي جانە وسى ۆاۋچەرلەردى ءونىم بەرۋشى كەرى قايتارىپ العان بالالاردىڭ كەزەككە ورالۋ سەبەبى بويىنشا ءوسۋ جاعىنا قاراي جىلجۋى كوزدەلەدى. كەزەكتە ورىن اۋىستىرۋعا جول بەرىلمەيدى.
بۇل تۇزەتۋلەر نورماتيۆتىك قۇقىقتىق اكتىنى اقپاراتتىق جۇيەنىڭ قولدانىستاعى فۋنكسيونالىنا سايكەس كەلتىرۋ ءۇشىن ەنگىزىلدى. ماسەلەن، ءقازىر ءىس جۇزىندە كەزەكتە بالانىڭ جانە زاڭدى وكىلىنىڭ ءاتى-جونى، ءوتىنىشتىڭ بەرىلگەن كۇنى، سپورت سەكسياسىنىڭ ءتۇرى، كەزەكتەگى رەتتىك ءنومىرى كورسەتىلەدى.