الەم ەلدەرى جاساندى ينتەللەكتتەن كەلەر ءقاۋىپتى ازايتۋ ءۇشىن كۇش بىرىكتىرۋگە كوشتى.
جاقىندا ۇلىبريتانيادا وتكەن سامميتتە «بلەچلي دەكلاراسياسى» قابىلداندى، دەپ حابارلايدى اlmaty-akshamy.kz 24.kz-كە سىلتەمە جاساپ.
وعان اقش، ەۋروپالىق وداق جانە جۇڭگو قوسىلدى. قۇجات جاساندى ينتەللەكتەن تۋۋى مۇمكىن قاۋىپ-قاتەردى سارالاپ، ولاردىڭ الدىن الۋ ءۇشىن بىرلەسىپ ارەكەت ەتۋدى قاراستىرادى. تاراپتار، سونداي-اق، وسى سالادا بىرلەسكەن زەرتتەۋلەر جۇرگىزۋگە كەلىستى.
يوشۋا بەنگيو، عالىم: - ءقازىر ءبىز جاساندى ينتەللەكت بويىنشا قوعامعا ەش نۇقسان كەلتىرەميتىن قاۋىپسىزدىك جۇيەسىن قۇرۋ جاعىن تالقىلاۋىمىز قاجەت. ونى قورعاۋ جاعىن دا ەسكەرۋ ماڭىزدى. بۇل ۇلكەن ماسەلە.
امەريكالىق ساراپشىلار جاساندى ينتەللەكت ەلدەگى دەموكراتيالىق پروسەسستەرگە نۇقسان كەلتىرۋى مۇمكىن دەيدى. ماسەلە نيۋ-يوركتە وتكەن تەحنولوگيالىق كونفەرەنسيادا تالقىلاندى. مامانداردىڭ پىكىرىنىشە، اقش-تا كەلەسى جىلى وتەتىن سايلاۋلاردا نەيروجۇيلەر ارقىلى جالعان اقپارات تاراتۋ كوبەيۋى ىقتيمال. جاقىندا "مەتا" كومپانياسى دا كەلەسى جىلدان باستاپ ساياسي جارنامالاردا قاداعالاۋدى كۇشەيتەتىنىنىن مالىمدەدى.