ونىڭ 11 مىڭى - بالالار.
قازاقستاندا قىزىلشا جۇقتىرعانداردىڭ اپتا سايىنعى ءوسىمى 1300 ادامنان استى. كوبىنەسە بۇل ءقاۋىپتى دەرتكە جاس بالالار شالدىعادى. بۇل تۋرالى قوعامدىق دەنساۋلىق ساقتاۋ ۇلتتىق ورتالىعىنىڭ باسقارما ءتوراعاسى مانار سماعۇل ايتتى، دەپ حابارلايدى Almaty-akshamy.kz.
ءقاۋىپتى دەرتتىڭ ناقتى ەمى جوق، ءبىراق ونىڭ الدىن الۋدىڭ جولى بار، ول - ەكپە. قازىرگى تاڭدا سەگىز مىڭ بالاعا ەكپە سالىندى.
«اسەرىن ءسال كەيىنىرەك كورەمىز. يممۋنيتەتتىڭ قالىپتاسۋى ءۇشىن ۋاقىت كەرەك، ۆاكسينانى العاننان كەيىن ادام كوپ جينالاتىن جەرلەردەن باس تارتۋ كەرەك، ويتكەنى يممۋنيتەتتىڭ قالىپتاسۋى ءۇشىن 2 اپتا قاجەت. قىزىلشانىڭ اسقىنۋى وتە ءقاۋىپتى. ستاتيستيكا بويىنشا 1000 جاعدايدان ءبىر بالا قىزىلشا ەنسەفاليتىمەن اۋىرۋى مۇمكىن»، دەدى مانار سماعۇل.
كۇنى كەشە دەنساۋلىق ساقتاۋ ءمينيسترى اجار عينيات قازاقستاندا بەلسەندى تۇردە تارالىپ جاتقان ءقاۋىپتى اۋرۋدىڭ الدىن الۋ ءۇشىن اتا-انالاردى بالالارىنا ەكپە الدىرۋعا شاقىردى.
قىزىلشادان قورعايتىن بىردەن- ءبىر ءادىس - ۆاكسينا ەكەنىن بۇعان دەيىن دە حابارلاعان بولاتىنبىز.