ناۋقاستار سانى جىل ساناپ كوبەيىپ جاتىر.
دارىگەرلەردىڭ ايتۋىنشا، ناۋقاستاردىڭ باسىم بولىگى اۋرۋعا شالدىققانىن بايقاماي قالادى ەكەن، دەپ حابارلايدى Almaty-akshamy.kz
400 مىڭنان اسا قازاقستاندىق ءبىرىنشى جانە ەكىنشى تيپتەگى قانت ديابەتىمەن اۋىرادى.
جىل سايىن ناۋقاستاردىڭ سانى شامامەن 20-30 مىڭ ادامعا كوبەيىپ جاتىر. بۇل تۋرالى دۇنيەجۇزىلىك قانت ديابەتىنە قارسى كۇرەس كۇنىنە ارنالعان ۇلتتىق كونفەرەنسيا بارىسىندا ايتىلدى.
ساراپشىلاردىڭ پىكىرىنشە، ناۋقاستاردىڭ سانى جىلدام ءوسىپ جاتىر. سول ءۇشىن دەرتتىڭ الدىن الۋعا جۇمىلۋ كەرەك. سونىمەن قاتار سۋسامىر دەرتى جايلى اقپاراتتاندىرۋدى قولعا الىپ، الدىن الۋ امالدارىن جۇزەگە اسىرۋ ماڭىزدى. ويتكەنى ناۋقاستاردىڭ باسىم بولىگى اۋرۋعا شالدىققانىن بايقاماي قالادى.
ءقازىر دەنساۋلىق ساقتاۋ مينيسترلىگى ستۋدەنت جانە جۇكتى ناۋقاستاردى دارىمەن قامتاماسىز ەتۋ ماسەلەسىن پىسىقتاپ جاتىر.
"بۇگىنگى كۇنى جۇكتى ايەلدەر مەن كۇندىزگى بولىمدە وقيتىن ستۋدەنت ناۋقاستاردىڭ سانىن ەسەپتەپ جاتىرمىز. بۇل ساناتتا شامامەن 400 ادام بار. سەبەبى قانت ديابەتىمەن اۋىراتىن ناۋقاستاردىڭ ءبىرازى 18 جاسقا تولماعان. ولاردىڭ سانى – 6 مىڭ. ونىڭ ۇستىنە ءبارى بىردەي كۇندىزگى بولىمدە وقىمايدى"، - دەيدى دسم مەديسينالىق كومەكتى ۇيىمداستىرۋ دەپارتامەنتى باسقارماسىنىڭ باسشىسى گۇلنار ماقسۇتوۆا.