ماڭعىستاۋدا جاساندى ينتەللەكت تەحنولوگيالارىنا ارنالعان سەمينار ءوتتى، - دەپ حابارلايدى Aqshamnews.kz.
ماڭعىستاۋدا وبلىس اكىمدىگىنىڭ ۇيىمداستىرۋىمەن جاساندى ينتەللەكت تەحنولوگيالارىن قولدانۋ بويىنشا ترەنينگ ءوتتى، دەپ حابارلايدى قوعامدىق كوممۋنيكاسيا ورتالىعى.
ترەنينگ بارىسىندا قاتىسۋشىلارعا جاساندى ينتەللەكت تەحنولوگيالارىن قولدانۋ جولدارى مەن جاساندى ينتەللەكت تۇرلەرى ءتۇسىندىرىلدى. سونداي-اق شارا اياسىندا جۋرناليست، «AI hub» كومپانياسىنىڭ وكىلى مەيىرجان اۋەلحان ۇلىنىڭ «جاساندى ينتەللەكت الىپپەسى» اتتى كىتابىنىڭ تانىستىرىلىمى ءوتتى. كىتاپتا جاساندى ينتەللەكتىنى ءومىردىڭ ءار سالاسىندا دۇرىس پايدالانۋ جولدارى مەن ولاردىڭ تۇرلەرى كورسەتىلگەن. سونىمەن قاتار، قوسىمشا جاساندى ينتەللەكتىگە دۇرىس ساۋال قويۋعا ارنالعان پرومپتتار بەرىلگەن. سپيكەر ءوز سوزىندە جاساندى ينتەللەكت مۇمكىندىكتەرىن جۇمىس بارىسىندا ءتيىمدى قولدانۋ جولدارىن اتاپ ءوتتى.
- قازىرگى تاڭدا جاساندى ينتەللەكت – ەڭ الدىمەن ۇلكەن مۇمكىندىك. بۇل قۇرالدى وزدەرىنىڭ كۇندەلىكتى جۇمىسىندا ءتيىمدى قولدانا الادى. جاساندى ينتەللەكتىنى تەك ءماتىن تۇزەتەتىن رەداكتور رەتىندە ەمەس، بەينەماتەريالدار مەن سۋرەتتەر جاساۋ، زەرتتەۋ جۇرگىزۋ، ۇلكەن دەرەكتەرمەن جۇمىس ىستەۋ سياقتى باعىتتاردا دا كەڭىنەن قولدانۋعا بولادى. سونداي-اق، جاساندى ينتەللەكت دەگەن ۇعىم «پرومپت» دەگەن سوزبەن تىكەلەي بايلانىستى. ەگەر ءسىز جاساندى ينتەللەكتىگە دۇرىس ساۋال جولداي الساڭىز، ونىڭ بارلىق مۇمكىندىكتەرىن دۇرىس پايدالانا الاسىز. ەگەر دۇرىس قۇرىلىمدا ساۋال جولداي الماساڭىز، سول ساۋالعا ساي دۇرىس جاۋاپ بەرمەۋى مۇمكىن. سوندىقتان، ساۋالدىڭ دۇرىس قويىلۋى ەڭ باستى ءارى، ماڭىزدى ماسەلە،- دەدى مەيىرجان اۋەلحان ۇلى.