قازاقستان قالالارىنداعى سۇرىقسىز نىسانداردى جاساندى ينتەللەكت ارقىلى جاڭعىرتساق، قانداي بولار ەدى؟ Aqshamnews.kz بۇل سۇراقتىڭ جاۋابىن ىزدەپ كوردى.
قازاقستان قالالارىندا كوزگە وعاش كورىنەتىن، ۇزاق جىلدار بويى اياقتالماعان، نە ارحيتەكتۋرالىق ۇيلەسىمى بۇزىلعان عيماراتتار از ەمەس. ءبىرى "ساقالدى قۇرىلىسقا" اينالسا، ەكىنشىسىنىڭ سىلاعى ءتۇسىپ قالعان. ءبىراق سول نىسانداردى تۇرلەندىرىپ، كورسەك، ولارعا جارناما باننەرلەرىن ءىلىپ كورسەك تۇر-الپەتى قالاي وگەرەر ەدى؟
IT مامان ارشات وراز الەۋمەتتىك جەلىدەگى پاراقشاسىندا قۇرىلىسى بيىل اياقتالاتىن LRT-نىڭ تىرەۋىش كولوننالارىنا "جان ءبىتىرىپ" كوردى. ونىڭ ايتۋىنشا، بەتون كولوننالارى سۇر، سۋىق، "جەمقورلىق ەسكەرتكىشى" بولىپ كورىنەدى.
"جاساندى ينتەللەكت مۇنى ادەمىلەۋ بويىنشا قىزىق يدەيالار ۇسىندى. مىسالى بۇل سۇرىقسىز بەتونداردى ۇلتتىق ورنەكپەن كومكەرۋ، تابيعي فورما، جارىقپەن بەزەندىرۋ، ارحيتەكتۋرالىق سكۋلپتۋرا، قالالىق گرافيكا، مۋرال سياقتى يدەيالارمەن ساندەۋگە بولادى دەيدى. شىنىمەن استىن كوگال قىلىپ، كولوننالاردى وسىلاي اسەمدەپ تاستاۋعا بولادى"، - دەيدى ول.
instagram.com/arshatoraz
شىنىندا، مىناداي ارلەۋمەن قالانىڭ كەلبەتى اجارلانىپ، LRT دا كوزتارتىمدى قۇرىلىسقا اينالادى. سونداي-اق، مۇنداي كولوننالارعا جارناما ورنالاستىرىپ، قالا بيۋدجەتىنە دە قاراجات تۇسەر ەدى.
ال ەندى بۇل كولوننادا جارنامالار ورنالاسسا، قالاي كورىنەر ەدى؟ ءبىز جاساندى ينتەللەكت ارقىلى ىستەپ كوردىك.
جاساندى ينتەللەكت ارقىلى جاسالعان سۋرەتتەر
سونداي-اق، الماتىداعى BRT قۇرىلىسىنا دا مۇنداي وزگەرىستەر ەنگىزىپ كوردىك.
جاساندى ينتەللەكت ارقىلى جاسالعان سۋرەتتەر
ال سەمەيدەگى اسپالى كوپىردىڭ كەلبەتى قالاي تۇرلەنەر ەدى؟
ايتا كەتەيىك، ءبىز بۇل ماقالادا قالانىڭ كەلبەتى مەن ۋربانيستيكا تۇرعىسىنان دامۋىن عانا قاراستىردىق.