جاساندى ينتەللەكت كوميتەتى قۇرىلماق

قازاق تىلىندە ەركىن تۇسىنەتىن تۇڭعىش ChatGPT ازىرلەنەدى.

عىلىم جانە جوعارى ءبىلىم ءمينيسترى ساياسات نۇربەك گۋميليەۆ اتىنداعى ەۋرازيالىق ۋنيۆەرسيتەتتە وتكەن فورۋمدا مينيسترلىك قۇرامىندا جاساندى ينتەللەكت كوميتەتى قۇرىلاتىنىن قۇلاققاعىس ەتتى، دەپ حابارلايدى اlmaty-akshamy.kz. 

"ال بىلتىرعى دامۋ پروسەسىن عىلىمي ورتا "ويىن جىلى" دەپ اتاپ كەتتى. ءبارى وينادى، كوردى، تاڭعالدى. ەندى بيىل سالماقتى اڭگىمە بولاتىن ءتۇرى بار. جاساندى ينتەللەكت سالاسىنا بۇكىل الپاۋىت كومپانيالار كىرىسىپ كەتتى، تريلليونداعان ينۆەستيسيا قۇيىلا باستادى. وسى سوڭعى 5 جىلدىڭ ىشىندە 27 مەملەكەت وزدەرىنىڭ ۇلتتىق جاساندى ينتەللەكت ستراتەگيالارىن قابىلدادى"، – دەدى ساياسات نۇربەك. 

ونىڭ ايتۋىنشا، مۇنداي ستراتەگيانى قازاقستان بيىل قابىلدادى. وعان سايكەس، مينيسترلىك قۇرامىندا جاساندى ينتەللەكت بويىنشا ارنايى كوميتەت قۇرىلادى.

"ءبىزدىڭ ينستيتۋتتارىمىز ازىرلەگەن اۋقىمدى ءتىل مودەلى شىعادى. ول مودەلدى سۋپەركومپيۋتەردە جاتتىقتىرامىز دا، قازاقشا تۇسىنەتىن ءوزىمىزدىڭ تۇڭعىش ChatGPT پايدا بولادى. ءقازىر بۇكىل اراب ەلدەرىندە وزدەرىنىڭ ءتىل مودەلدەرىن جاساپ جاتىر. ولارعا جەڭىلدەۋ. ويتكەنى، اراب تىلىندە شىققان عىلىمي ەڭبەك، جازبا ادەبي مادەنيەت كوپ. وكىنىشكە قاراي، ءوزىمىزدى قانشا ماقتاساق تا، بىزدە ونداي مىڭداعان جىلدىق كىتاپحانالار جوق. مادەنيەتىمىز دە، وركەنيەتىمىز دە اۋىزشا. سوندىقتان مادەنيەت جانە اقپارات مينيسترلىگىمەن بىرلەسىپ بۇكىل باق-تىڭ، كينوقوردىڭ مۇراعاتى نەگىزىندە وسى باعىتتا جۇمىس ىستەپ جاتىرمىز. سونى جەڭىلدەتۋ ءۇشىن وكسفورد ۋنيۆەرسيتەتى كومەكتەستى"، – دەدى مينيستر.