الماتىدا جىل باسىنان بەرى تەرروريزم اكتىسى تۋرالى كورىنەۋ جالعان حابارلاما بەرگەن ءۇش تەلەفون لاڭكەسى ۇستالدى.
ءبىر جاعدايدا، ەكسترەميزمگە قارسى كۇرەس بولىمشەسىنىڭ حابارلاۋىنشا، ءجاسوسپىرىم ساۋدا ورتالىقتارىنىڭ ءبىرىن “مينالانعان” دەپ حابارلاپ، ازىلدەسۋدى ويلاعان.
«كوبىنەسە كۇدىكتىلەر جارىلعىش زاتتى ادامدار كوپ جينالاتىن ورىندارعا قويادى. سونىمەن قاتار ءازىلقويلار قالىپتاسقان جاعدايدىڭ قانشالىقتى اۋىر ەكەندىگىن جانە ىقتيمال سالدارىن تۇسىنبەيدى. تەرروريزم اكتىسى تۋرالى جالعان اقپارات بەرۋ نىسانداردىڭ قىزمەتىن بۇزادى جانە قۇقىق قورعاۋ ورگاندارى مەن ارنايى قىزمەتتەردىڭ كۇشىن ناقتى قىلمىستار مەن وقيعالاردان الشاقتاتادى، سونداي-اق ماتەريالدىق شىعىن تۇرىندەگى ەلەۋلى زالالعا اكەپ سوعادى»، – دەدى الماتى قالالىق پد ەكسترەميزمگە قارسى كۇرەس باسقارماسىنىڭ باستىعى ءابىقۇلوۆ دارحان.
پوليسيادا تەرروريزم اكتىسى تۋرالى جالعان حابارلاۋ قولدانىستاعى قىلمىستىق زاڭناماعا سايكەس بەس جىلعا دەيىن باس بوستاندىعىنان ايىرۋعا جازالاناتىنىن ەسكە سالدى. سونىمەن قاتار جالعان لاڭكەستەر سوت شەشىمىنە سايكەس وقيعا ورنىنا جەدەل ارەكەت ەتۋ قىزمەتىن جالعان شاقىرعانى ءۇشىن شىعىندى تولىعىمەن وتەيدى.