ءداستۇر بويىنشا مەكتەپ وقۋشىلارى الاڭدا سالتاناتتى مارشپەن ءجۇرىپ ءوتتى
الماتىدا «جاس ۇلان» رەسپۋبليكالىق مەكتەبىنىڭ قىرىق جىلدىق مەرەيتويىنا ارنالعان سالتاناتتى ءىس-شارا ءوتتى، دەپ حابارلايدى Almaty-akshamy.kz.
وعان مەكتەپ تۇلەكتەرى – قورعانىس ءمينيسترىنىڭ ورىنباسارى اسكەر بەيسەنوۆ، اۋماقتىق قورعانىس دەپارتامەنتىنىڭ باستىعى، گەنەرال-مايور سەرىك بورامبايەۆ، قورعانىس مينيسترلىگى اپپاراتى باسشىسىنىڭ ورىنباسارى، پولكوۆنيك تولەگەن بولەجانوۆ قاتىستى.
شاقىرىلعان قوناقتاردىڭ قاتارىندا قارۋلى كۇشتەردىڭ ارداگەرى حالىق قاھارمانى، وتستاۆكاداعى گەنەرال-لەيتەنانت باقىتجان ەرتايەۆ، اۋەزوۆ اۋدانىنىڭ اكىمى ابزال ەگەمبەردييەۆ، باۋىرجان مومىش ۇلىنىڭ كەلىنى ەتنوگراف، جازۋشى زەينەپ احمەتوۆا دا بولدى.
– بۇل مەكتەپتىڭ تاربيەلەنۋشىلەرى مەملەكەتكە قىزمەت ەتۋدىڭ وزىق ءداستۇرىن جانە ءوز وتانىنا ادال بولۋدىڭ ۇلگىسىن كورسەتىپ كەلەدى. ولار ءارقاشان شىدامدىلىقپەن، توزىمدىلىكپەن، مورالدىق جانە پسيحولوگيالىق بەرىكتىكپەن، كەز كەلگەن قيىندىقتى جەڭە بىلۋمەن ەرەكشەلەنەدى. بۇل وقۋ ورنىندا مەملەكەتىمىزدىڭ جاۋىنگەرلىك دايىندىعىنىڭ ىرگەتاسى قالانۋدا، – دەپ اتاپ ءوتتى باقىتجان ەرتايەۆ.
ءداستۇر بويىنشا مەكتەپ وقۋشىلارى الاڭدا سالتاناتتى مارشپەن ءجۇرىپ ءوتتى. اتى اڭىزعا اينالعان قولباسشى باۋىرجان مومىش ۇلىنىڭ ەسكەرتكىشىنە گۇل شوقتارى قويىلدى. سالتاناتتى راسىمگە قاتىسۋشىلار اسكەري قاقتىعىستاردا قازا تاپقان مەكتەپ تۇلەكتەرى: پودپولكوۆنيكتەر ەرلان ناۋانوۆتى، قايرات مۇحامادييەۆتى جانە كاپيتان قايرات قۇدابايەۆتى ءبىر مينۋت ۇنسىزدىكپەن ەسكە الدى.
شارا اياسىندا مەرەكەلىك كونسەرت ءوتتى. سالتاناتتى جيىن ۆالسپەن اياقتالدى.
"جاسۇلاندىقتارمەن" ءساندى كەش كويلەكتەرى تال بويىنا جاراسقان رەسپۋبليكالىق جوعارى مەديسينالىق كوللەدجدىڭ، الماتى وبلىستىق يننوۆاسيالىق تەحنولوگيالار كوللەدجىنىڭ، قازاق باس ساۋلەت-قۇرىلىس اكادەمياسىنىڭ بويجەتكەندەرى جۇپتاسىپ بيلەدى.
مەرەيتويعا وراي پولكوۆنيك نۇرلىحان ەرەكەشوۆتىڭ قازاق تىلىندە "جاس ۇلان مەكتەبىنە 40 جىل" كىتابى جارىققا شىققانىن اتاپ ءوتۋ ماڭىزدى. باسىلىم وقۋ ورنىن قۇرۋدىڭ باستاۋىندا تۇرعانداردىڭ، سونداي-اق ونىڭ تۇلەكتەرىنىڭ ەستەلىكتەرىنە ارنالعان.