جاس ساۋلەتشىلەر الماتىنىڭ ەرەكشە كەلبەتىن قالىپتاستىرۋعا كومەكتەسەدى

بۇل تۋرالى NAAW ساۋلەت بيۋروسىنىڭ نەگىزىن قالاۋشى ەلۆيرا باكۋبايەۆا بىرلەسكەن ساۋلەت جانە قالا قۇرىلىسى فورۋمىندا ايتتى.

ءوز ءتىلى، وزىندىك بىرەگەيلىگى پايدا بولۋى ءۇشىن الماتى مەن قازاقستاننىڭ ارحيتەكتۋراسىن نەعۇرلىم تانىمال ەتۋ قاجەت، دەپ حابارلايدى Almaty-akshamy.kz

«الماتىدا بۇگىندە ءارتۇرلى عيماراتتار بار: كەيبىرەۋلەرى كەڭەس داۋىرىنە دەيىن، كوبىسى كسرو كەزىندە جانە 90 – شى جىلداردان 2000-شى جىلدارعا دەيىن سالىنعان. سوندىقتان قازاقستاندىق ساۋلەت ونەرىنىڭ زاماناۋي بىرەگەيلىگىن قالىپتاستىرۋ جانە زەردەلەۋ قاجەت. ول ءۇشىن تاريحقا، ادەبيەتكە تەرەڭ بويلاپ، زەرتتەگەن ءجون. بۇعان  ءبىراز ۋاقىت كەتەدى، ويتكەنى ساۋلەت تەز پروسەسس ەمەس. مەنىڭ ويىمشا، جوبالار ەكى ايدان استام ۋاقىتقا سوزىلۋى كەرەك – دۇرىس شەشىمدەردى زەرتتەۋ جانە قالىپتاستىرۋ ءۇشىن كەم دەگەندە التى اي»، - دەپ اتاپ ءوتتى ساۋلەتشى.

ونىڭ ايتۋىنشا، بۇگىندە الماتى اكىمى ەربولات دوسايەۆ جاس ساۋلەتشىلەرگە قالا ءۇشىن ماڭىزدى جوبالاردى ەنگىزىپ، الماتىنىڭ زاماناۋي كەلبەتىن قالىپتاستىرۋعا ءوز ۇلەسىن قوسۋى ءۇشىن زور سەنىم بىلدىرۋدە. ەلۆيرا باكۋبايەۆا مەكتەپتەر، اۋرۋحانالار جانە قوعامدىق قوعامدىق كەڭىستىكتەر سياقتى ماڭىزدى جوبالاردان باستاۋ كەرەك ەكەنىنە سەنىمدى.