وسىدان 2 اپتا بۇرىن توپار اۋىلىندا ءسىبىر جاراسى انىقتالعانىن حابارلاعانبىز.
ەندى 15 كۇنگە سوزىلعان كارانتين دە كىرەبەرىستە تۇرعان باعانا دا الىنىپ تاستالدى، دەپ حابارلايدى Almaty-akshamy.kz
اۋىل شارۋاشىلىعى مينيسترلىگى ۆەتەريناريالىق باقىلاۋ كوميتەتىنىڭ قاراعاندى وبلىستىق ينسپەكسياسى اۋىلدا كارانتيننىڭ الىنىپ تاستالعانى تۋرالى قاۋلىنىڭ كۇشىنە ەنگەنىن مالىمدەدى.
اۋىلدا ءسىبىر جاراسى انىقتالعاننان كەيىن وسى ارالىقتا ادام دا، مال دا اۋىرماعان. قازىرگى تاڭدا اۋىلداعى بارلىق مال باسىنا ءسىبىر جاراسىنا قارسى ەكپە ەگىلگەن. ساراپشىلار ينفەكسيا كوزىن ءالى ىزدەستىرۋدە.
«مالدىڭ اۋرۋدى جەم-شوپ ارقىلى جۇقتىرۋى مۇمكىن دەگەن نۇسقا بار. ويتكەنى قوجايىندارى مالدارىن جايلاۋعا شىعارماعان. ءبىز سىناق ءۇشىن بىرنەشە جەم ۇلگىلەرىن جىبەردىك. سىناق ناتيجەسىن كۇتەمىز»، – دەدى اۋىل شارۋاشىلىعى مينيسترلىگى ۆەتەريناريالىق باقىلاۋ كوميتەتىنىڭ قاراعاندى وبلىستىق ينسپەكسياسى باسشىسىنىڭ ورىنباسارى دانيار مەرعازين.