دەمالىس كۇندەرىنە ارنالعان اۋا رايى مالىمەتى

تولاسسىز جاۋىن-شاشىن بولادى.

سينوپتيكتەر 9-11 قاراشا كۇندەرى اۋا رايى قانداي بولاتىنىن ايتتى، دەپ حابارلايدى Almaty-akshamy.kz

"قازگيدرومەت" رمك ۇسىنعان مالىمەت بويىنشا، اتلانتيكالىق سيكلوننىڭ اسەرىنەن الداعى كۇندەرى قازاقستاننىڭ باسىم بولىگىندە جاۋىن-شاشىن بولادى. سينوپتيكتەردىڭ ايتۋىنشا، الدىڭعى قاراشا ايلارىنا قاراعاندا، كۇن ايتارلىقتاي جىلى بولادى.

"باتىستان شىعىسقا اۋىساتىن سيكلون ءوز جولىندا قاتتى جاۋىن-شاشىن اكەلەدى: جاۋىن-شاشىن تۇندە جاڭبىر مەن قار تۇرىندە، كۇندىز  نەگىزىنەن جاڭبىر تۇرىندە جاۋادى. 11 قاراشادا سولتۇستىك-باتىستا، 12 قاراشادا وڭتۇستىكتە، 13 قاراشادا وڭتۇستىك-شىعىستا، رەسپۋبليكانىڭ وڭتۇستىگى مەن وڭتۇستىك-شىعىسىنداعى تاۋلى ايماقتاردا قاتتى جاۋىن-شاشىن (جاڭبىر مەن قار) جاۋادى دەپ بولجاندى. 12 قاراشادان باستاپ انتيسيكلون سىلەمى باتىسقا قاراي تاراي باستايدى، وسىعان بايلانىستى جاۋىن-شاشىن توقتاپ، كۇندىز اۋا تەمپەراتۋراسى +8+18°س دەيىن كوتەرىلەدى"، دەلىنگەن "قازگيدرومەت" رمك-نىڭ اقپاراتىندا.

سينوپتيكتەردىڭ ايتۋىنشا، تۇندە جانە تاڭەرتەڭ رەسپۋبليكا بويىنشا جەل كۇشەيىپ، تۇمان تۇسەدى.