الماتى اكىمى ەربولات دوسايەۆتىڭ تاپسىرماسى بويىنشا تۇركسىب اۋدانى («جاس قانات» ش/ا.) قونايەۆ اتىنداعى وندىرىستىك كووپەراتيۆتە (وك) ورنالاسقان كوممۋنالدىق تۇرعىن ءۇي قورىنان جالعا بەرىلەتىن پاتەرلەرگە كەزەكتە تۇرعانداردى ورنالاستىرۋ باستالدى، دەپ حابارلايدى Almaty-akshamy.kz.
ءۇي كەزەڭ-كەزەڭىمەن بەرىلەدى. ءبىرىنشى كەزەڭ وسى جىلدىڭ 25 تامىزىندا، جاڭا وقۋ جىلى قارساڭىندا باستالدى. ماسەلەن، بۇگىن الماتى اكىمدىگىنىڭ وكىلدەرى جاڭا پاتەرلەردىڭ كىلتىن بەرگەن 109 وتباسى قونىس تويىن تويلايدى. ەندىگى پاتەرلەردىڭ كىلتى كەلەسى اپتانىڭ سوڭىندا، سودان كەيىن بيىل قىركۇيەگىندە بەرىلەدى.
الماتى قالاسى كوممۋنالدىق ينفراقۇرىلىمدى دامىتۋ باسقارماسى باسشىسىنىڭ ورىنباسارى عالىمجان ابدىشۇكىر ۇلى اتاپ وتكەندەي، وسى اۋداندا كوپبالالى وتباسىلارعا جانە حالىقتىڭ الەۋمەتتىك وسال توپتارىنا بارلىعى 401 جالدامالى پاتەر بەرۋ جوسپارلانعان.
«وسى اۋداندا اۋماقتى اباتتاندىرۋ جالعاسىپ جاتىر. الماتى اكىمدىگى تۇرعىن ءۇي كەشەنىندە دامىعان ينفراقۇرىلىمدى قۇرۋعا دەن قويادى. مۇندا سپورت جانە بالالار الاڭدارى جابدىقتالعان، مەكتەپ بار، جاڭا بالاباقشا سالىنۋدا، تۇرعىنداردىڭ دەمالىسى مەن بوس ۋاقىتىن پايدالى وتكىزۋگە ارنالعان ورىندار سالىنادى»، - دەدى عالىمجان ابدىشۇكىر ۇلى.
قازىرگى تاڭدا الماتى قالاسىنىڭ تۇرعىن ۇيىنە كەزەكتە 41 مىڭنان استام ازامات تۇر.
ايتا كەتەيىك، قونايەۆ اتىنداعى وك-دە ۇيلەردىڭ قۇرىلىسى 2021 جىلى «نۇرلى جەر» تۇرعىن ۇي-كوممۋنالدىق دامۋىنىڭ 2020-2025 جىلدارعا ارنالعان مەملەكەتتىك باعدارلاماسى اياسىندا باستالعان.