«الماتى جاستارى»: جەڭىلدەتىلگەن يپوتەكا جاس ماماندارعا تۇرعىن ءۇي تۋرالى ارمانىن جۇزەگە اسىرۋعا قالاي كومەكتەسەدى aqshamnews.kz
«الماتى جاستارى» - جاس ماماندار ءۇشىن ەڭ سۇرانىسقا يە جەڭىلدەتىلگەن تۇرعىن ءۇي نەسيەلەۋ باعدارلامالارىنىڭ ءبىرى. جەڭىلدىك مولشەرلەمەسى جىلدىق 5% جانە باستاپقى جارنا-10%-دى قۇرايدى. باعدارلامانى پايدالانعانداردىڭ قاتارىندا جامبىل وبلىسى قۇلان اۋىلىنىڭ تۋماسى، 30 جاستاعى ينجەنەر-تەحنولوگ جادىرا قايساربايەۆا دا بار، دەپ حابارلايدى
قىزدىڭ ايتۋىنشا، ول الدىمەن شۇعىلا شاعىناۋدانىنداعى «الما سيتي 5» تۇرعىن ءۇي كەشەنىندەگى الاڭى 34 شارشى مەتردى قۇرايتىن ءبىر بولمەلى جالعا بەرىلەتىن پاتەردە تۇرىپ، ايىنا 10 000 تەڭگە تولەگەن. كەيىن كونكۋرستان ءوتىپ، يپوتەكا راسىمدەپ، ءقازىر جادىرا قايساربايەۆا شۇعىلا شاعىناۋدانىندا ورنالاسقان «شۇعىلا سيتي» تك-دە اۋدانى 40 شارشى مەتر ءبىر بولمەلى پاتەردىڭ يەسى بولدى. يپوتەكا مەرزىمى-8 جىل، ال اي سايىنعى تولەم – 157 000 تەڭگە.
«باستاپقى جارناعا قاجەتتى سومانى جيناۋ قيىن بولعان جوق، ويتكەنى مەندە ناقتى ماقسات پەن تەمىر ءتارتىپ بولدى. مەن جاڭا تۇرعىن ۇيىمە جانە ونىڭ ورنالاسقان جەرىنە وتە قۋانىشتىمىن. بولاشاقتا بۇل اۋداندا مەترو ستانسياسىنىڭ اشىلۋى جوسپارلانۋدا، سونىڭ ارقاسىندا ماعان قالانىڭ ءارتۇرلى جەرلەرىنە جەتۋ ىڭعايلى بولادى»، - دەپ ءبولىستى تۇرعىن ءۇي باعدارلاماسىنىڭ قاتىسۋشىسى جادىرا قايساربايەۆا.
ايتا كەتەيىك، ءقازىر «الماتى جاستارى» باعدارلاماسىنىڭ شارتتارى ازىرلەنۋدە، ونىڭ اياسىندا «جۇمىس ىستەيتىن جاستار» باعدارلاماسىنىڭ جالعا الۋشىلارى ءۇشىن 1 050-دەن استام قارىزعا كۆوتا قاراستىرىلعان. قارىز سوماسىن 18 ميلليون تەڭگەدەن 20 ميلليون تەڭگەگە دەيىن ۇلعايتۋ جوسپارلانۋدا. باعدارلاما ىسكە قوسىلعان ساتتەن باستاپ-2017 جىلدان بەرى جەڭىلدىكتى شارتتار بويىنشا 6 000-عا جۋىق ادام جەكە تۇرعىن ءۇي ساتىپ الا الدى.