قازاقستاننان جەتى كوماندا اقش-تىڭ حيۋستون قالاسىندا وتەتىن FIRST Championship اتتى مەكتەپ وقۋشىلارىنا ارنالعان ەڭ بەدەلدى ينجەنەرلىك جارىسقا اتتاندى.
بايقاۋعا قاتىسۋشىنىڭ ەڭ كىشىسى — نەبارى 6 جاستا، دەپ حابارلايدى ق ر وقۋ-اعارتۋ مينيسترلىگىنىڭ باسپا ءسوز قىزمەتى.
بيىل چەمپيونات 110 ەلدەن كەلگەن 50 مىڭنان استام جاس ينجەنەر مەن ونەرتاپقىشتاردى بىرىكتىردى. 2025 جىلعى ماۋسىمىنىڭ تاقىرىبى — سۋاستى الەمىن زەرتتەۋ جانە قورعاۋ.
بيىل قازاقستان بۇل بايقاۋعا بۇرىن-سوڭدى بولماعان اۋقىمدا — بىردەن 7 كوماندامەن قاتىسىپ وتىر. جولدامانىڭ كوبەيۋى — ەلىمىزدىڭ مەكتەپ روبوتوتەحنيكاسىنىڭ حالىقارالىق بەدەلى ارتىپ كەلە جاتقانىن كورسەتەدى.
«ءبىزدىڭ كوماندالار — ماۋسىمنىڭ باستى فاۆوريتتەرى. قازاقستاننىڭ قورجىنىنا تاعى دا جۇلدەلەر مەن جەڭىستەر قوسىلادى دەپ ۇمىتتەنەمىز»، — دەدى USTEM Foundation قوعامدىق قورىنىڭ جەتەكشىسى اسىلبەك مۋرزاحمەتوۆ.
قازاقستان قۇراماسى ورتالىق ازيا چەمپيوناتى — Almaty Tech Cup ناتيجەسىندە ىرىكتەلدى. ەل اتىنان قاتىسىپ جاتقان كوماندالار: Atlantis — «ساتۋرن» مەكتەبى، پاۆلودار قالاسى؛
PID — نازاربايەۆ زياتكەرلىك مەكتەبى، الماتى قالاسى؛
Cristabol — نازاربايەۆ زياتكەرلىك مەكتەبى، الماتى قالاسى؛ Skillset — «Skillset» مەكتەبى، استانا قالاسى؛
JelToqSun جانە Rasslexx — «مۇراگەر» مەكتەبى، قاراعاندى قالاسى.
ايتا كەتەيىك، قازاقستان — FIRST GLOBAL روبوتوتەحنيكاسىنان 190-نان استام ەل قاتىساتىن الەم چەمپيوناتىنىڭ ءۇش دۇركىن جەڭىمپازى: جەنيەۆا (2022)، سينگاپۋر (2023)، افينا (2024).