قازاقستاندا عىلىم سالاسىنىڭ دامۋى مەن جاس زەرتتەۋشىلەرگە جاسالىپ جاتقان قولداۋ شارالارى ناقتى ناتيجەسىن بەرۋدە. عىلىم قىزمەتكەرلەرى كۇنى قارساڭىندا اقوردادا ەرەكشە وقيعا ورىن الدى – ءبىر توپ جاس عالىم مەملەكەت باسشىسى قاسىم-جومارت توقايەۆتىڭ قولىنان پاتەر سەرتيفيكاتتارىن الدى. بۇل تۋرالى Aqshamnews.kz سايتى حابارلايدى.
مەملەكەت تاراپىنان كورسەتىلگەن قامقورلىق – تۇراقتىلىق پەن سەنىمنىڭ كەپىلى
جاس عالىمدار بۇل قولداۋدى ەلدىڭ عىلىمي الەۋەتىن دامىتۋعا باعىتتالعان شىنايى قادام رەتىندە باعالادى. ولار وسىنداي قامقورلىق تۇراقتىلىق پەن بولاشاققا دەگەن سەنىمدىلىكتى نىعايتىپ، عىلىمعا دەگەن ىنتالارىن ارتتىرعانىن اتاپ ءوتتى.
«ەندى ءبىز كۇندەلىكتى تۇرمىستىق ماسەلەلەرگە الاڭداماي، عىلىمي زەرتتەۋلەرىمىزگە بارىنشا دەن قويا الامىز. بۇل – ءبىز ءۇشىن ۇلكەن مۇمكىندىك ءارى جاۋاپكەرشىلىك»، – دەدى جاس زەرتتەۋشىلەر.
عىلىمعا جاسالعان ينۆەستيسيا – ەلدىڭ بولاشاعىنا سالىنعان ينۆەستيسيا
ق ر عىلىم جانە جوعارى ءبىلىم مينيسترلىگىنىڭ مالىمەتىنشە، سوڭعى ەكى جىلدا 423 جاس عالىم تۇرعىن ۇيمەن قامتاماسىز ەتىلگەن. بۇل – ەل تاريحىنداعى عىلىم سالاسىنا جاسالعان اسا ماڭىزدى الەۋمەتتىك قولداۋدىڭ ءبىرى. سونىمەن قاتار، جاس عالىمدار ءۇشىن مەگا-گرانتتار، عىلىمي دارەجەگە قوسىمشا تولەمدەر، شەتەلدىك تاعىلىمدامالار، ارنايى ستيپەنديالار قاراستىرىلعان.
مينيستر ساياسات نۇربەكتىڭ ايتۋىنشا، مۇنداي شارالار جاس عالىمداردىڭ ەلدە قالۋىنا، شىعارماشىلىق جانە زياتكەرلىك الەۋەتىن تولىق اشۋىنا جاعداي جاساپ وتىر.
عالىمدار ۋادە بەردى: ەڭبەگىمىزدى ەل يگىلىگىنە ارنايمىز
پاتەر سەرتيفيكاتتارىن العان جاس عالىمدار مەملەكەت باسشىسىنا جانە مينيسترلىككە العىسىن بىلدىرە وتىرىپ، ءۇمىت پەن سەنىمدى اقتاۋعا بار كۇشىن سالاتىندارىن جەتكىزدى.
«بىزگە ارتىلعان سەنىمدى ابىرويمەن اقتايمىز. عىلىمي ناتيجەلەرىمىز ارقىلى ەلىمىزدىڭ وركەندەۋىنە ۇلەس قوسامىز»، – دەدى ولار.
جاس عالىمدارعا كورسەتىلگەن قولداۋ – قازاقستاننىڭ عىلىمعا دەگەن ستراتەگيالىق كوزقاراسىنىڭ ايقىن كورىنىسى. مۇنداي قامقورلىق عىلىمدى ءومىر سالتى رەتىندە تاڭداعان جاستاردىڭ بولاشاققا سەنىممەن قاراۋىنا جول اشادى. مەملەكەت تاراپىنان جاسالىپ جاتقان جۇيەلى قادامدار ەل عىلىمىن جاڭا بيىكتەرگە كوتەرۋگە مۇمكىندىك بەرەرى ءسوزسىز.