الماتى قالاسىنىڭ اكىمى ەربولات دوسايەۆ پوليسيا دەپارتامەنتىنىڭ قىزمەتكەرلەرى مەن ولاردىڭ وتباسىلارىلارىنا ۇيىمداستىرىلعان ناۋرىز مەيرامىنا قاتىستى.
سوڭعى ءۇش جىل ىشىندە الماتى اكىمدىگى ازاماتتاردىڭ قاۋىپسىزدىگىن قامتاماسىز ەتەتىن ماڭىزدى قۇرىلىمدىق مەكەمەنىڭ ءبىرى رەتىندە پوليسيانىڭ دامۋىنا ەرەكشە كوڭىل ءبولىپ كەلەدى. اتاپ ايتقاندا، الماتى اكىمىنە جەرگىلىكتى بيۋدجەت قاراجاتىنا ساتىپ الىنعان جاڭا تەحنيكا مەن تولىقتاي جوندەۋدەن وتكەن اكىمشىلىك عيمارات تانىستىرىلدى. بۇل عيمارات الماتى اكىمدىگى تاراپىنان جەكە مەنشىك يەسىنەن 1،7 ملرد تەڭگەگە ساتىپ الىنىپ، وتكەن جىلدىڭ قىركۇيەك ايىندا پوليسيا بالانسىنا بەرىلگەن ەدى. بۇگىندە بۇل عيمارات شامامەن 300 قىزمەتكەرگە قولايلى جۇمىس جاعداي جاساپ وتىر جانە پوليسيا دەپارتامەنتىنىڭ نەگىزگى عيماراتىنا جاقىن ورنالاسقان، بۇل قۇقىق قورعاۋشىلاردىڭ جۇمىسىن جەدەلدەتۋگە ىقپال ەتەدى.
بۇل الماتى پوليسياسىنىڭ ماتەريالدىق-تەحنيكالىق بازاسىن نىعايتۋ جانە قوعامدىق قاۋىپسىزدىك جۇيەسىن جاڭعىرتۋ بويىنشا جۇرگىزىلىپ جاتقان اۋقىمدى باعدارلامانىڭ ءبىر بولىگى.
شاھار باسشىسى قوعامدىق قاۋىپسىزدىك جۇيەسىن نىعايتۋ قالا ساياساتىنىڭ باسىم باعىتىنىڭ ءبىرى بولىپ قالا بەرەتىنىن اتاپ ءوتتى. ءوز كەزەگىندە پوليسيا دەپارتامەنتىنىڭ باسشىلىعى كورسەتىلىپ جاتقان قولداۋ ءۇشىن العىس ءبىلدىردى.
ايتا كەتۋ كەرەك، الماتىدا قوعامدىق قاۋىپسىزدىك سالاسىندا وزىق شەشىمدەر ەنگىزىلىپ جاتىر. ەربولات دوسايەۆتىڭ تاپسىرماسىنا سايكەس، قالاداعى مەملەكەتتىك مەكتەپتەر مەن بالاباقشالاردا كەشەندى قاۋىپسىزدىك جۇيەسى جۇزەگە اسىرىلۋدا، سونداي-اق جاساندى ينتەللەكت ەلەمەنتتەرى بار بەينەمونيتورينگ بەلسەندى قولدانىلىپ وتىر. بيىل جىل سوڭىنا دەيىن ءبىرىڭعاي بەينەباقىلاۋ جۇيەسىنە قوسىلعان كامەرالار سانى 70 مىڭعا دەيىن ۇلعايتىلادى.
سونىمەن قاتار، ساپار بارىسىندا مەملەكەت باسشىسىنىڭ تاپسىرماسىمەن ەربولات دوسايەۆ پوليسيا كاپيتانى قاراشاش ەسداۋلەتوۆاعا پاتەر سەرتيفيكاتىن تابىستادى. ول دۋبايدا وتكەن UAE SWAT Challenge 2025 حالىقارالىق تۋرنيرىندە جۇلدەگەر اتاندى. ونىڭ كومانداسى الەمنىڭ ەڭ ۇزدىك ارنايى بولىمشەلەرى اراسىندا ەكىنشى ورىن يەلەندى.
ايتا كەتەيىك، قاراشاش ەسداۋلەتوۆا قازاقستان ءىىم-نىڭ العاشقى ايەلدەر كومانداسى — «توميريس» قۇرامىندا ونەر كورسەتتى. بۇل كوماندا وسى بەدەلدى جارىسقا العاش رەت قاتىسىپ، بەيرەسمي تۇردە ارنايى جاساقتىڭ «وليمپياداسى» سانالاتىن، الەمنىڭ ەليتالىق تاكتيكالىق بولىمشەلەرىن جينايتىن تۋرنيردە ب ا ق سىنادى.