مەدەۋ اۋدانى تۇرعىندارىن جارىقپەن قامتاماسىز ەتۋ ءۇشىن «درۋجبا سپورت» باۋ-باقشا سەرىكتەستىگىنىڭ ۇزىندىعى 5 شاقىرىم ەلەكتر جەلىلەرىن رەكونسترۋكسيالاۋ جانە 3 ترانسفورماتورلىق پودستانسيانى ورناتۋ جۇمىستارى جۇرگىزىلۋدە. بۇل تۋرالى الماتى قالاسىنىڭ اكىمى ە.دوسايەۆ ءمالىم ەتتى، دەپ حابارلايدى Almaty-akshamy.kz.
بۇگىنگى تاڭدا 93 تىرەكتى ورناتۋ جۇمىستارى تولىعىمەن اياقتالعان. 2 شاقىرىم جەراستى كابەلىن جانە 1،2 شاقىرىم جەر ءۇستى جەلىسىن ورناتۋ جۇمىستارى جالعاسۋدا. قۇرىلىس-مونتاجداۋ جۇمىستارىن اياقتاۋ مەرزىمى - وسى جىلدىڭ قاراشا ايى.
گورنايا، شىبىنساي كوشەلەرىنىڭ، مۇزتاۋ، كەڭساي (1،2،3،4) شاعىن اۋداندارىنىڭ جانە باۋ-باقشا سەرىكتەستىكتەرىنىڭ تۇرعىندارى ۇزدىكسىز ەلەكترمەن قامتاماسىز ەتۋ ءۇشىن ۇزىندىعى 33،8 شاقىرىم يەسىز ەلەكتر جەلىلەرىن رەكونسترۋكسيالاۋ جانە 11 ترانسفورماتورلىق پودستانسيانى سالۋ جۇمىستارى اياقتالدى، -دەدى قالا اكىمى.
«اسقارتاۋ» شاعىن اۋدانىندا ەلەكتر جەلىلەرىن سالۋ ءۇشىن جوبالاۋ-سمەتالىق قۇجاتتاما دايىندالۋدا. وسى جىلدىڭ قازان ايىندا جوبالاۋ-سمەتالىق قۇجاتتامالىق جۇمىستارى اياقتالۋى ءتيىس.