الماتىنىڭ جەتىسۋ اۋدانىنىڭ اكىمدىگىندە اۋقىمدى ينفراقۇرىلىمدىق جوبالاردىڭ جۇزەگە اسىرىلۋ بارىسى تۋرالى ايتىلدى، دەپ حابارلايدى اlmaty-akshamy.kz.
2019 جىلدان باستاپ 190 مىڭنان استام حالقى بار اۋداندا 96،7 كم سۋمەن جابدىقتاۋ جانە سۋ بۇرۋ جەلىلەرىن قايتا جاڭارتۋ سياقتى باسىم جوبالاردى جۇزەگە اسىرۋ كەشىكتىرىلدى.
2020 جىلى جاڭا اكىم گۇلنار كوكەبايەۆا كەلگەسىن قۇرىلىس ىلگەرىلەي باستادى. جۇمىستى «الۆيس» جانە «ەلەكترورەمونت» ج ش س مەردىگەرلىك ۇيىمدارى ورىندادى. بيىل ءبىرىنشى مەردىگەر قازىلعان كوشەلەردى تولىق اسفالتتاپ جۇمىسىن اياقتادى، ەكىنشى مەردىگەر وسى جىلى ويىق-شۇڭقىرى بار جولدارعا ورتاشا جوندەۋ جۇرگىزۋ جوسپارلانعان.
فۋنكسيالاردى ورتالىقسىزداندىرۋ اياسىندا 2023 جىلى «نكو» ج ش س جانە «الماتىينجستروي» اق مەردىگەرلىك ۇيىمدارىنىڭ سۋمەن جابدىقتاۋ جانە سۋ بۇرۋ جەلىلەرىن سالۋ جۇمىستارى باستالدى. جوبا اياسىندا 16 مىڭ ابونەنت قامتىلادى، سۋ قۇبىرى جەلىلەرىنىڭ جالپى ۇزىندىعى – 85،97 كم جانە كارىز جەلىلەرى 90،2 كم.
جەتىسۋ اۋدانىن تولىق قامتيتىن بۇل جوبالار ءۇش جىلعا ەسەپتەلگەن.
بيىل الماتى وبلىسىنان قالاعا قوسىلعان كەمەل شاعىن اۋدانى تۇرعىندارىنىڭ ءبىر بولىگى تۇراقتى قالالىق سۋمەن قامتاماسىز ەتىلەدى. ۇزاق جىل بويى تۇرعىندار سۋ تاپشىلىعىن تارتىپ كەلگەن ەدى. سونىمەن قاتار، كەمەل شاعىن اۋدانىندا 43،5 كم ەلەكتر جەلىسى سالىندى، سونىڭ ارقاسىندا ءقازىر قالا تۇرعىندارى تۇراقتى قالالىق ەلەكتر قۋاتىنا قوسىلدى.
سونداي-اق ۇزىندىعى 32،5 كم پاللادين-پاۆلودار-بورالداي، تايمىر كوشەلەرىنىڭ اۋماعىندا جاڭا ەلەكتر جەلىلەرى سالىندى.
8،4 كم ماگيسترالدىق جىلۋ جەلىلەرى قايتا جاڭارتىلدى.
كوشە جارىعى دا شەشىمىن تاپتى، بيىل جاڭا باعانالار ورناتىلىپ، 150 جارتىلاي جارىق جۇرگىزىلمەگەن كوشەدە 35 مىڭ كم استام كابەل سالىندى. اۋداننىڭ بارلىق ماگيسترالدىق كوشەسىندە (سولتۇستىك اينالما، سەيفۋللين، رىسقۇلوۆ، جانسۇگىروۆ جانە ت.ب.) كوشە جارىعى جاڭعىرتىلدى.
ايتا كەتەيىك، جەتىسۋ اۋدانىنىڭ اكىمى لاۋازىمىنا گۇلنار كوكەبايەۆا 2020 جىلدىڭ قازان ايىندا تاعايىندالعان بولاتىن.