دەمالىس كۇندەرى الماتى جولدارىندا 8 ماس جۇرگىزۋشى ۇستالدى، – دەپ حابارلايدى اlmaty-akshamy.kz.
الماتىدا “قۇقىقتىق ءتارتىپ” رەسپۋبليكالىق جەدەل الدىن الۋ ءىس-شاراسىنىڭ كەزەكتى كەزەڭى ءوتىپ جاتىر.
– كەڭ اۋقىمدى ءىس-شارا جول-كولىك وقيعالارىنىڭ الدىن الۋعا، ولاردىڭ سالدارىنىڭ اۋىرلىعىن ازايتۋعا، جول قوزعالىسى ەرەجەلەرىن بۇزۋ دەرەكتەرىنىڭ جولىن كەسۋگە جانە انىقتاۋعا باعىتتالعان. پروفيلاكتيكالىق جۇمىستار كۇشەيتىلىپ، جول قوزعالىسىنا قاتىسۋشىلار اراسىندا جول قاۋىپسىزدىگى تالاپتارىنىڭ ساقتالۋىنا باقىلاۋ كۇشەيتىلدى. وتكەن دەمالىس كۇندەرى قالا جولدارىندا 2 مىڭعا جۋىق جول ەرەجەسىن بۇزۋ دەرەگى انىقتالدى، – دەدى الماتى قالالىق پوليسيا دەپارتامەنتى جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
ونىڭ ىشىندە كولىك قۇرالىن ماس كۇيىندە باسقارۋدىڭ 8 دەرەگى، جۇرگىزۋشى كۋالىگى جوق ادامداردىڭ كولىك قۇرالىن باسقارۋىنىڭ 16 دەرەگى، قاراما-قارسى قوزعالىس جولاعىنا شىعۋدىڭ 9 دەرەگى، اۆتوكولىكتى قايتا جابدىقتاۋدىڭ 7 دەرەگى، كولىك قۇرالى تەرەزەلەرىن قاراڭعىلاۋدىڭ 38 دەرەگى بار. سونداي-اق ساموكات تىزگىندەگەن 303 ادام جانە موپەد باسقارعان 500 ادام اكىمشىلىك جاۋاپكەرشىلىككە تارتىلدى. جەدەل الدىن الۋ ءىس-شارالارى وتكىزىلەتىن كۇندەرى پاترۋلدىك پوليسيا قىزمەتكەرلەرى كۇشەيتىلگەن قىزمەت اتقارادى.
– ءبىرىنشى كەزەكتەگى مىندەت – جول قوزعالىسى ەرەجەلەرىن بۇزۋدى انىقتاۋ جانە جولىن كەسۋ. ورەسكەل بۇزۋشىلىقتار – ماس كۇيىندە كولىك جۇرگىزۋ، قاراما-قارسى قوزعالىس جولاعىنا شىعۋ، قاۋىپسىزدىك بەلدىكتەرىن تاقپاۋ، كولىك قۇرالىن باسقارۋ كەزىندە ۇيالى تەلەفونمەن سويلەسۋ، اپاتتىق جاعدايداعى كولىكتەردى انىقتاۋ جانە جولىن كەسۋ دەرەكتەرىن انىقتاۋ، – دەدى سەرىك شۋمايەۆ.