ءبىزدى قورشاعان ورتانىڭ اسا ماڭىزدى بولىگى شاپشاڭ جوعالۋدا.
بۇل جايىندا كۇللى الەم بويىنشا دالالىق زەرتتەۋ ناتيجەلەرى مەن مالىمەتتەرى قامتىلعان «ءتىرى پلانەتا» اتتى بۇكىل الەمدىك جابايى تابيعات قورىنىڭ (WWF) بايانداماسىندا جاريالانعان، دەپ حابارلايدى aqshamnews.kz.
ءار ەكى جىل سايىن جاريالاناتىن ەسەپكە سايكەس، 1970ء-شى جىلدان 2020 جىلعا دەيىن جابايى تابيعات ورتاشا ەسەپپەن 73 پايىزعا قىسقارعان. ءتىپتى، لاتىن امەريكاسى مەن كاريب باسسەينىندە بۇل كورسەتكىش 95 پايىزعا جەتكەن. مۇنىڭ ءقاۋپى سوندا – جابايى تابيعات جوعالسا، تابيعات تا جويىلادى. بيولوگيالىق ءار الۋاندىلىق ازايعان سايىن ادامنىڭ ءومىر ءسۇرۋ مۇمكىندىگى تارىلادى: تازا سۋ، تازا اۋا، ازىق-تۇلىك، دارى-دارمەك، ت.ب. جوعالادى.