الماتىدا قالالىق پوليسيا دەپارتامەنتىنىڭ 150 قىزمەتكەرى دونور اتاندى، دەپ حابارلايدى aqshamnews.kz.
Polisia.kz مالىمەتىنشە، رەسپۋبليكالىق قان ورتالىعىندا ۇيىمداستىرىلعان يگى شارا – كومەككە مۇقتاج جاندارعا قولداۋ ءبىلدىرۋدى ماقسات ەتكەن. بۇل باستاما – پوليسيا قىزمەتكەرلەرىنىڭ ءوز ماماندىعىنا عانا ەمەس، ادام ومىرىنە دەگەن جاناشىرلىعىن، ازاماتتىق بورىشىن تەرەڭ تۇسىنەتىنىن ايقىن اڭعارتتى.
– حالىققا قىزمەت ەتۋ – قۇر ۇران ەمەس. دونور بولۋ – مەيىرىمدىلىك پەن ادامگەرشىلىكتىڭ شىنايى كورىنىسى. ءبىز وسىنداي يگى ارەكەتىمىز ارقىلى جاستاردىڭ بويىنا جاۋاپكەرشىلىك سەزىمىن ۇيالاتقىمىز كەلەدى. پوليسيا قىزمەتكەرى بولۋ – بۇل تەك ءتارتىپ كۇزەتۋ عانا ەمەس، ەڭ اۋەلى ەلدىڭ تىنىشتىعى مەن ءار ادامنىڭ ومىرىنە قامقور بولۋ دەگەن ءسوز، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ءادىلعوجا قۇسايىنوۆ.
بۇل ءىس-شارا "پوليسيا – زاڭ مەن ءتارتىپتى كۇزەتەدى" ۇرانىمەن، سونداي-اق ەلىمىزدە جاريالانعان "پروفيلاكتيكا جىلى" مەن قازاقستان پوليسياسىنىڭ مەرەيتويىنا ارنالعان جوسپار اياسىندا ءوتتى.