الماتىنىڭ بارلىق جوعارى وقۋ ورىندارىندا «جارقىن كۇز» كۇزگى ەكولوگيالىق اكسياسى اياسىندا ۇيىمداستىرىلعان سەنبىلىكتەر بەلسەندى وتۋدە، دەپ حابارلايدى aqshamnews.kz
بۇل ءىس-شارا قالانىڭ تازالىعى مەن اباتتاندىرىلۋىن قولداۋعا، سونداي-اق جاستار اراسىندا ەكولوگيالىق مادەنيەتتى دامىتۋعا باعىتتالعان اۋقىمدى باستامانىڭ ءبىر بولىگى بولدى.
ستۋدەنتتەر، وقىتۋشىلار جانە جوعارى وقۋ ورىندارىنىڭ اكىمشىلىك قۇرامى ورتاق ءىس ءۇشىن – ءوز كامپۋستارى مەن ىرگەلەس ايماقتارىنىڭ اۋماقتارىن تازارتۋ ءۇشىن بىرىكتىرىلدى. ولاردىڭ ايتۋىنشا، ەكواكسيانىڭ ءاربىر قاتىسۋشىسى قورشاعان ورتاعا قامقورلىق جاساۋدىڭ ماڭىزدىلىعىن تۇسىنەدى، ويتكەنى مەگاپوليستەگى ءومىر ساپاسى قالالىق كوشەلەر مەن ساياباقتاردىڭ تازالىعىنا بايلانىستى.
الماتى جاستارى قالا مەن قوعام الدىنداعى جاۋاپكەرشىلىگىن سەزىنە وتىرىپ، تازالىق پەن ءتارتىپتى تەك قالالىق قىزمەتتەر عانا ەمەس، ءاربىر تۇرعىن دا قامتاماسىز ەتەتىنىن تۇسىنەدى.
«بۇل ءىس-شارا بىزگە اۋماقتى اباتتاندىرۋعا مۇمكىندىك بەرىپ قانا قويماي، ستۋدەنتتەردى بىرلەسىپ جۇمىس ىستەۋگە بىرىكتىردى. ءبىز كامپۋس اۋماعىن قوقىستاردان تازارتتىق، اعاشتار وتىرعىزدىق جانە گۇلزارلاردى بەزەندىردىك. مۇنىڭ ءبارى ەكولوگيالىق جاعدايدى جاقسارتۋعا جانە وقۋعا ىڭعايلى جاعداي جاساۋعا كومەكتەسەدى دەپ سەنەمىن. مۇنداي اكسيالارعا قاتىسۋ ءبىزدىڭ قالامىزعا دەگەن جاۋاپكەرشىلىك پەن قامقورلىق سەزىمىن دامىتادى»، - دەپ اتاپ ءوتتى قازۇازۋ ستۋدەنتى امانگازى نۇراسىل.
اكسياعا قاتىسۋشىلار تازالاۋدان باسقا، ەكولوگيانىڭ، قالدىقتاردى قايتا وڭدەۋدىڭ جانە تابيعي رەسۋرستاردى ساقتاۋدىڭ ماڭىزدى تاقىرىپتارىن تالقىلايدى. مۇنداي ءىس-شارالار جاستاردىڭ پىكىر الماسۋى مەن ەكولوگيالىق دۇنيەتانىمىن قالىپتاستىرۋ ءۇشىن تاماشا الاڭعا اينالادى.
ەستەرىڭىزگە سالا كەتەيىك، الماتىدا اعىمداعى جىلدىڭ 18-24 قازان ارالىعىندا «تازا قازاقستان» جالپى رەسپۋبليكالىق باعدارلاماسى جانە «الماتى – ءبىزدىڭ ورتاق ءۇيىمىز» قالالىق ناۋقانى اياسىندا جۇزەگە اسىرىلىپ جاتقان «جارقىن كۇز» اكسياسى وتكىزىلۋدە.