مەملەكەت باسشىسى قاسىم-جومارت توقايەۆ قازاقستان حالقىنا كەزەكتى جولداۋىن جاريالادى. كەمەلدى، كوكەيتەستى ماسەلەلەر كوتەرىلىپ، جاڭا مۇمكىندىكتەرگە جول اشاتىن باعدارلار ناقتىلاندى. پرەزيدەنت بەلگىلەپ بەرگەن ماڭىزدى مەجەلەرگە قول جەتكىزۋ – قازاقستاننىڭ قازىرگىدەن دە بيىك اسۋلاردى باعىندىرىپ، قۋاتتى مەملەكەتكە اينالۋىنا زور مۇمكىندىك اشپاق. ەلىمىزدىڭ بۇگىنگى تاڭداعى جەتىستىكتەرى از ەمەس. تاۋەلسىز قازاق ەلىن تورتكۇل دۇنيە تانىپ، مويىندادى. ەندىگى جەردە قاجىرلى ەڭبەگىمىز – وتانىمىزدى الەمدىك اۋقىمداعى ءورىسى كەڭ، حالىقارالىق ارەنادا لايىقتى بەدەلگە يە، وركەندەگەن ەلگە اينالدىرۋعا جۇمىلدىرۋعا باعىتتالۋى ءتيىس.
جولداۋداعى ءىرى باسىمدىقتاردىڭ ءبىرى – جاڭا قازاقستاننىڭ باستى بەس باعىتى: جاڭا ەكونوميكالىق ساياسات، ەكونوميكانىڭ ناقتى سەكتورىن دامىتۋ، ەل بولاشاعىنا ارنالعان ستراتەگيالىق ينۆەستيسيا، مەملەكەتتىك باسقارۋ ءىسىن قايتا جاڭعىرتۋ، زاڭ مەن تارتىپكە ەرەكشە باسىمدىق بەرۋ.
بۇل باسىمدىقتار – جاڭا قازاقستاننىڭ بەس تۇعىرى. جولداۋدا الەۋمەتتىك جانە ەكونوميكالىق ساياساتتىڭ اراسىنداعى تەپە-تەڭدىك ساقتالعان. مىسالى، جەكە باستامالار ىنتالاندىرىلادى، «بالىق بەرمە، قارماق بەر» ءپرينسيپى ەسكەرىلەدى. جاستار كاسىپكەرلىگىن دامىتۋ ءۇشىن جەڭىلدەتىلگەن كرەديت بەرىلەدى.
جالپى، پرەزيدەنت اماناتتاعان تاپسىرمالاردىڭ سالماعى جوعارى. «ۇلى ىستەر قيىن كەزدە تۋىندايدى» دەگەندەي، سولاردىڭ ىشىندە ەلىمىزگە كىرەتىن سۋ كوزدەرىنىڭ ازايۋى، سۋدىڭ 40%-نىڭ جەرگە ءسىڭىپ كەتۋى مەملەكەت ءۇشىن ەڭ وزەكتى ماسەلەلەردىڭ بىرىنە اينالىپ وتىر دەپ ويلايمىن.
پرەزيدەنت ادىلەتتى قازاقستاندى بىرگە قۇرۋعا، قاسيەتتى وتانىمىزدى بىرگە وركەندەتۋگە شاقىردى. «ۇيىمداسا بىلگەن – ۇتادى» دەيدى حالىق دانالىعى. جاڭا قازاقستان ۇلتىمىزدىڭ جارقىن بولاشاعى جولىنداعى ماڭىزدى قادام بولماق.