قاتىسۋشىلار ءوز وتىنىشتەرىن 8 قىركۇيەككە دەيىن جىبەرۋى ءتيىس.
الماتى قالاسىنىڭ وڭىرلىك كوممۋنيكاسيالار قىزمەتى قالا كۇنىنە وراي «الماتى قالاسىنىڭ دامۋى تۋرالى» تاقىرىبىنا ۇزدىك جاريالىمدارعا قالالىق جانە رەسپۋبليكالىق ب ا ق اراسىندا كونكۋرس جاريالايدى، دەپ حابارلايدى Almaty-akshamy.kz.
كونكۋرسقا باق-تا جاريالانعان جانە 2022 جىلدىڭ 1 قاڭتارىنان باستاپ 1 قىركۇيەككە دەيىن ەفيردە حابارلانعان ماتەريالدار قابىلدانادى.
نوميناسيالار:
1) الماتى ءومىرى تۋرالى ۇزدىك اۆتورلىق جاريالانىم (قازاقشا/ورىسشا).
2) الماتى ءومىرى تۋرالى ۇزدىك بەينەماتەريالدار (قازاقشا/ورىسشا).
3) الماتى ءومىرى تۋرالى ۇزدىك فوتوجۇمىس (قازاقشا/ورىسشا).
4) ينتەرنەت-رەسۋرستاعى الماتى ءومىرى تۋرالى ەڭ ۇزدىك لونگريد (قازاقشا/ورىسشا).
5) ينتەرنەت-پابليكتەگى (قازاقشا/ورىسشا) الماتى ءومىرى تۋرالى ۇزدىك جاريالانىم.
6) الەۋمەتتىك جەلىلەردەگى الماتى ءومىرى تۋرالى بلوگەردىڭ ۇزدىك جاريالانىمى (قازاقشا/ورىسشا).
7) الەۋمەتتىك جەلىلەردەگى الماتى تۋرالى ۇزدىك سۇحبات (قازاقشا/ورىسشا).
8) الەۋمەتتىك جەلىلەردەگى الماتى تۋرالى ۇزدىك بەينەروليك (قازاقشا/ورىسشا).
كونكۋرسقا قاتىسۋ ءۇشىن ءوتىنىش (ءوتىنىش بەرۋشىنىڭ ت.ا.ءا.، ب ا ق اتاۋى، ماتەريالدىڭ ەلەكتروندىق نۇسقاسى جانە ماتەريالعا سىلتەمە (ءبىر ءوتىنىش بەرۋشىدەن 3 ماتەريالعا دەيىن)، نوميناسيانىڭ ناقتى نۇسقاۋى، بايلانىس دەرەكتەرى) اعىمداعى جىلدىڭ 8 قىركۇيەگىنە دەيىنگى مەرزىمدە الماتى قالاسى وڭىرلىك كوممۋنيكاسيالار قىزمەتىنىڭ ەلەكتروندىق مەكەنجايىنا: info@rsk.almaty.kz «كونكۋرسقا قاتىسۋ ءۇشىن» ماتىنىمەن جىبەرىلۋى ءتيىس.
بايقاۋ جەڭىمپازدارى ءار كاتەگوريادان باعالىق سىيلىقتارمەن جانە گراموتالارمەن ماراپاتتالادى.