2025 جىلعى 10 قازاندا الماتى قالاسىندا «الەۋمەتتىك قورعاۋ جۇيەسىنىڭ ۇزدىك قىزمەتكەرى جانە ۇزدىك الەۋمەتتىك جوبا» رەسپۋبليكالىق كونكۋرسىنىڭ وڭىرلىك كەزەڭىنە قاتىسۋشىلاردى ىرىكتەۋ جونىندەگى كوميسسيا وتىرىسى ءوتتى.
بايقاۋعا ءتۇرلى نوميناسيالار بويىنشا 31 ۇمىتكەردىڭ وتىنىمدەرى قابىلدانىپ، ونلاين داۋىس بەرۋ جانە ماتەريالداردى زەردەلەۋ ناتيجەسىندە وڭىرلىك كەزەڭنىڭ جەڭىمپازدارى انىقتالدى، - دەپ حابارلايدى Aqshamnews.kz.
وڭىرلىك كەزەڭ جەڭىمپازدارى:
نوميناسيا: «ۇيدە كۇتىم كورسەتۋ ۇيىمىنىڭ ۇزدىك الەۋمەتتىك قىزمەتكەرى»
جەڭىمپاز: گۇلنۇر ەلەۋسىز قىزى نۇرماعامبەتوۆا - «ايالا» الەۋمەتتىك قىزمەتتەر ورتالىعى» كوممۋنالدىق مەملەكەتتىك مەكەمەسىنىڭ الەۋمەتتىك قىزمەتكەرى
نوميناسيا: «ۇزدىك الەۋمەتتىك پەداگوگ»
جەڭىمپاز: راۋشان جەتەس قىزى دوماقباي - «ايالا» الەۋمەتتىك قىزمەتتەر ورتالىعى» كمم لوگوپەد مامانى
وڭىرلىك كەزەڭدە ۇزدىك دەپ تانىلعان ماماندار رەسپۋبليكالىق بايقاۋعا جولداما الىپ، قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقۋپوۆانىڭ اتىنان قۇرمەت گراموتالارىمەن ماراپاتتالدى.
سالتاناتتى ماراپاتتاۋ ءراسىمى 2025 جىلعى 24 قازاندا استانا قالاسىندا، «Hilton» قوناق ءۇيىنىڭ كونفەرەنس-زالىندا ءوتتى.
بۇل ماراپات - الەۋمەتتىك سالا قىزمەتكەرلەرىنىڭ ادال ەڭبەگى مەن ادامدارعا دەگەن شىنايى جاناشىرلىعىنىڭ جوعارى باعاسى.
«ايالا» الەۋمەتتىك قىزمەت ورتالىعى ۇجىمى ءوز ماماندارىنىڭ جەتىستىكتەرىن ماقتان تۇتادى جانە الەۋمەتتىك قولداۋ جۇيەسىن دامىتۋ جولىنداعى ەڭبەكتەرىن جوعارى باعالايدى.