اۋىل شارۋاشىلىعى ۆيسە-مينيسترى امانعالي بەردالين ۇكىمەت وتىرىسىنان كەيىن وتكەن باسپا ءسوز ءماسليحاتىندا اۋلانعان كيىكتىڭ ەتى قالاي دايىندالاتىنىن جانە ونىڭ حالال تالاپتارىنا ساي ەكەنىن ايتتى، - دەپ حابارلايدى Aqshamnews.kz
جۋرناليستەردىڭ "كيىك ەتى ادال سويىلعانىنا قانداي كەپىلدىك بار؟"دەگەن سۇراعىنا جاۋاپ بەرگەن ۆيسە-مينيستر:
"اۋلانعان كيىكتىڭ ءبارى مىندەتتى تۇردە باۋىزدالادى. ەتكە جىبەرىلمەس بۇرىن ۆەتەريناريالىق-سانيتاريالىق ساراپتامادان وتەدى. ساراپتامادان وتپەگەن ەت ساتۋعا جىبەرىلمەيدى. بۇل جۇمىسقا ءتيىستى ينسپەكتورلار تارتىلعان"، — دەدى بەردالين.
ونىڭ ايتۋىنشا، كيىك مەكەندەيتىن وڭىرلەردىڭ توپىراعى مەن سۋى، سونداي-اق جايىلىمداعى باسقا جانۋارلار دا اۋرۋعا تەكسەرىلەدى."
سوندىقتان كيىك ەتىن سويۋ مەن ساتۋعا قاتىستى كۇمان بولماۋى كەرەك. قاتاڭ باقىلاۋ بار. قورىقپاي-اق الۋعا بولادى"، — دەدى ۆيسە-مينيستر.
قازىرگى ۋاقىتتا 15 ەت كومبيناتى كيىك ەتىن وڭدەۋگە جۇمىلدىرىلعان.