قازاقستاننىڭ ەڭبەك سىڭىرگەن قايراتكەرى، اكتەر اسىلبەك بورانبايەۆ ءوز تاڭداۋىن جاسادى، دەپ حابارلايدى Almaty-akshamy.kz
"جارقىن بولاشاق ءۇشىن داۋىس بەردىك"، - دەيدى اكتەر.
«سايلاۋدان قالعان ەمەسپىز. ۇدايى قاتىسىپ كەلەمىن. №129 سايلاۋ ۋچاسكەسىندە تاڭداۋ جاسالدى. ەلىمىزدىڭ ءبىر ازاماتى رەتىندە سايلاۋعا بارۋىمىز كەرەك. جارقىن بولاشاق، ۇرپاق ءۇشىن تاڭداۋ جاساعان ءجون. مەملەكەت گۇلدەنسىن دەسەك، ۇيدە قالماي سايلاۋ ورتالىقتارىنا بارىپ، داۋسىمىزدى بەرۋ مىندەت دەپ سانايمىن. ادىلەتتى قازاقستان ورناتقىمىز كەلسە، القالى پروسەستەن قالمايىق.
سوڭعى كەزدەرى «مەنسىز دە سايلاۋ وتەدى» دەگەن جاڭساق پىكىر ۇشىراسادى. سىن ورىندى بولسا يگى. ءاربىر سايلاۋشى ءوز داۋسىن قاداعالاسا، باقىلاۋشىلار دا سوعان مۇددەلى بولسا، ادىلدىك ورنايدى. سوندىقتان سايلاۋ بەكەتىنە كەلىپ ءوز تاڭداۋىمىزدى جاسايىق. ۇكىمەتتىڭ ساپالى ءىس اتقارۋى، بيۋدجەتتىڭ بەكىتىلۋى، الداعى مەملەكەتتىك جوسپارلار وسى ناۋقانعا تىكەلەي بايلانىستى بولىپ تۇر. وسى رەتتە ءاربىر سايلاۋشى سايلانۋشىنىڭ سايلاۋالدى باعدارلامالارىن ورىندالۋىن قاداعالانۋى ءتيىس. سول كەزدە عانا دەموكراتيالى ەلگە اينالامىز»، - دەيدى اسىلبەك بورانبايەۆ.