اقش-تان كەلگەن باقىلاۋشى: مەنى ادامداردىڭ وسى سايلاۋداعى ىنتا-ىقىلاسى قىزىقتىردى

الماتى قالاسى سايلاۋ بويىنشا جالپىقالالىق باسپا ءسوز ورتالىعىنىڭ الاڭىندا اقش اتىنان باقىلاۋشى، «Wikistrat Global Consultancy» اعا عىلىمي قىزمەتكەرى، اقش-تىڭ تاۋەلسىز باقىلاۋشىلارىنىڭ ميسسياسى مۇشەسى ريچارد ۋيليام ۆەيتستىڭ قاتىسۋمەن باسپا ءسوز كونفەرەنسياسى ءوتتى.

ول ءوزىنىڭ الماتىداعى سايلاۋدى باقىلاۋ بارىسىندا العان العاشقى اسەرىمەن ءبولىستى، دەپ حابارلايدى Almaty-akshamy.kz.

سپيكەردىڭ ايتۋىنشا، ول تاڭ اتقالى الماتى قالاسىنداعى 12 سايلاۋ ۋچاسكەسىندە بولعان، ءالى ونىنا بارۋعا نيەتتى. ريچارد ۋيلم ۆەيتس ونىمەن بىرگە قازاقستانعا تاۋەلسىز باقىلاۋشىلار ميسسياسىنان تاعى ءۇش ادام كەلگەن، بۇگىن ولار استانادا جۇمىس ىستەپ جاتىر. 

«ءبىزدىڭ باستى ماقساتىمىز – داۋىس بەرۋ كەزىندە بولۋ، سونىمەن قاتار ماڭىزدى تاعى ءبىر ماقسات – قازاقستانداعى ساياسي، ەكونوميكالىق، الەۋمەتتىك جاعداي كونتەكستىندە سايلاۋدى باقىلاۋ جانە باعالاۋ ءۇشىن كەڭىرەك كونتەكستتى قامتاماسىز ەتۋ»، - دەدى ول.

ريچارد ۋيليام ۆەيتستىڭ پىكىرىنشە، قازاقستانداعى وسى ماڭىزدى ساياسي كەزەڭدە اقش-تىڭ بولۋى امەريكا-قازاقستان قارىم-قاتىناسىنىڭ ماڭىزدىلىعىن، قازاقستاننىڭ ورتالىق ازياداعى، كەڭىرەك ايتقاندا، سولتۇستىك اتلانتيكالىق قاۋىمداستىقتاعى ومىرلىك ماڭىزدى ءرولىن راستايدى.

«ءبىز ترانسۇلتتىق لاڭكەستىكپەن كۇرەس، ايماقتىق قاقتىعىستاردى رەتتەۋ، ەكونوميكالىق رەسۋرستاردى يگەرۋ، الەۋمەتتىك-ەكونوميكالىق دامۋ سياقتى سالالاردا ىنتىماقتاسامىز»، - دەپ اتاپ ءوتتى اقش اتىنان كەلگەن باقىلاۋشى.

سونداي-اق، ول بۇل سايلاۋدا حالىقتىڭ ىنتا-جىگەرى قىزىقتىرعانىن ايتتى، ويتكەنى تاۋەلسىز كانديداتتار، پلاكاتتار مەن ۇگىت-ناسيحات جۇمىستارى كوپ.

اقش پەن قازاقستانداعى سايلاۋدى سالىستىرا وتىرىپ، سپيكەر اقش-تىڭ سايلاۋ جۇيەسى قازاقستاننان ايتارلىقتاي ەرەكشەلەنەتىنىن اتاپ ءوتتى. ريچارد ۋيليام ۆەيتس ءبىزدىڭ جۇيەنى گەرمانيا مەن فرانسيانىڭ ساياسي جۇيەلەرىمەن سالىستىرۋعا بولاتىنىن اتاپ ءوتتى. ۇسىنىستارعا سىلتەمە جاساي وتىرىپ، امەريكالىق باقىلاۋشى قازاقستانداعى پىكىرسايىستارعا كوبىرەك اقشا بولۋگە بولار ما ەدى دەگەن پىكىر ايتتى، ويتكەنى اقش-تا، مىسالى، وعان ميلليونداعان دوللار جۇمسايدى، ال قازاقستان الدەقايدا از اقشا بولىنەدى.

اعىمداعى سايلاۋدى تىكەلەي باقىلاۋعا قاتىستى سپيكەر بىلاي دەدى: «ازىرگە ەشقانداي زاڭ بۇزۋشىلىقتى كورمەدىم، سايلاۋ تىنىش وتۋدە، داۋىس بەرۋشىلەر از. ماعان بۇگىن جەكسەنبى بولعاندىقتان كۇندىز جانە كەشكە ادامدار كوپ بولادى دەدى. سايلاۋشىلاردىڭ باسىم بولىگى ۇلكەن كىسىلەر بولدى. جاستار جەكسەنبى كۇنى تاڭەرتەڭ ۇيىقتاپ، كۇندىز داۋىس بەرگەندى ءجون كورەدى»، - دەدى ريچارد ۋيليام ۆەيتس.