باستامالارىمىز ءساتتى بولعاي!
Nur Otan پارتياسى الاتاۋ اۋداندىق فيليالى ءتوراعاسىنىڭ ءبىرىنشى ورىنباسارى جارقىن الدامبەرگەن قىزى پارتياعا جۇكتەلگەن جاۋاپكەرشىلىك تۋرالى ايتتى، دەپ حابارلايدى Almaty-akshamy.kz.
«بۇگىن، 1 ناۋرىز - پارتيانىڭ قۇرىلعان كۇنى. وسى ايتۋلى كۇن قارساڭىندا Nur Otan پارتياسىنىڭ كەزەكتەن تىس ءححىى سەزى ءوتتى. مەن سول سەزگە دەلەگات رەتىندە قاتىستىم. مەملەكەت باسشىسىنىڭ سەزدى قىسقا ۋاقىت ارالىعىندا وتكىزۋ تۋرالى بۇل شەشىمى مەملەكەت الدىندا تۇرعان قازىرگى زامانعى سىن-قاتەرلەرگە بەرگەن جاۋابى سەكىلدى بولدى دەپ ويلايمىن. سەبەبى، بۇل ەڭ الدىمەن پرەزيدەنتتىڭ ەلدەگى وقيعالاردان قالىس قالماي، ساياسي باستامالاردىڭ نەگىزگى كوزى ەكەنىن تاعى ءبىر دالەلدەيتىندەي. ەستەرىڭىزگە سالا كەتسەم، ۇستىمىزدەگى جىلعى 28 قاڭتارىندا وتكەن سەزدە سويلەگەن سوزىندە مەملەكەت باسشىسى ساياسي ەليتانى عانا ەمەس، بۇكىل حالىقتى جۇدىرىقتاي جۇمىلۋعا شاقىرعان بولاتىن. الايدا بۇل ونىڭ توڭىرەگىندە عانا جينالۋ ەمەس، «جاڭا قازاقستان» تۇجىرىمداماسى اياسىندا توپتاسۋدى بىلدىرەدى»،- دەيدى جارقىن الدامبەرگەن قىزى
ونىڭ پىكىرىنشە، بۇل تۇجىرىمدامانىڭ نەگىزگى باعىتتارىنىڭ ءبىرى - جاڭارتىلعان پارتيا بولماق. ونىڭ كورىنىسى بۇگىنگى پارتيانىڭ سەزىندە بايقالدى، پارتيانى قايتا جاڭعىرتۋ باعدارلاماسىن ۇسىندى، ياعني پارتيانى مودەرنيزاسيالاۋداعى جەتى باسىمدىلىق ناقتىلاندى:
حالىقپەن كەرى بايلانىس جاساۋ قۇرالدارىنىڭ تيىمدىلىگىن ارتتىرۋ؛
پارتيالاستار اراسىنداعى ىنتىماقتىقتى نىعايتۋ؛
پارتيانىڭ جۇمىسىنداعى اشىقتىقتى ارتتىرۋ؛
پارتيالىق باقىلاۋدى كۇشەيتۋ؛
پارتيانىڭ باعدارلامالىق قۇجاتتارىن قايتا قاراۋ؛
حالىقتىڭ ءار ءتۇرلى توپتارىمەن ناقتى جۇمىستار جۇرگىزۋ؛
Jas Otan جاستار قاناتىنىڭ جۇمىسىن جەتىلدىرۋ.
«جاڭا قازاقستاننىڭ دامۋى جاعدايىندا ەلىمىزدىڭ جەتەكشى ساياسي پارتياسىنىڭ بىرلىگى مەن ۇيىمداستىرۋشىلىق الەۋەتىن كورسەتتى دەپ ويلايمىن. بۇگىنگى تاڭدا ءبىزدىڭ ەلىمىز بەن پارتيامىز ءوزىنىڭ تاريحىنداعى جاڭا كەزەڭىنە اياق باسقالى تۇر. بۇل جاڭا قازاقستاندى قۇرۋ جولىنداعى جاڭارعان پارتيامىزعا جۇكتەلگەن ۇلكەن جاۋاپكەرشىلىك جانە زور سەنىم دەپ بىلەمىن. باستامالارىمىز ءساتتى بولعاي! ەلىمىزدىڭ ىرگەسى بەرىك بولعاي!» - دەدى Nur Otan پارتياسى الاتاۋ اۋداندىق فيليالى ءتوراعاسىنىڭ ءبىرىنشى ورىنباسارى جارقىن الدامبەرگەن قىزى.