ولاردىڭ پىكىرىنشە، پارتيا بارلىق رەفورمالاردىڭ ۇيىتقىسى بولۋى كەرەك.
الماتىداعى ەتنومادەني بىرلەستىكتەردىڭ وكىلدەرى بيلىك پارتياسى ءوز جۇمىسىن قوعام سۇرانىسىنا ساي قايتا قۇرادى دەگەن ويدا، دەپ حابارلايدى Almaty-akshamy.kz.
1 ناۋرىز - العىس ايتۋ كۇنى جانە پارتيانىڭ قۇرىلعان كۇنى كەزەكتەن تىس سەزد ءوتتى. بۇل شارا ۇيىمدى جاڭعىرتۋ ماسەلەلەرىنە ارنالدى. ال الماتىداعى قالالىق ۇيعىر مادەني ورتالىعىنىڭ وكىلدەرى مەملەكەت باسشىسى قوعامعا قاجەتتى كوپتەگەن باستامالاردى كوتەرىپ وتىر دەپ ەسەپتەيدى.
«الماتى قالالىق ۇيعىر مادەني ورتالىعى» قوعامدىق بىرلەستىگى ءتوراعاسىنىڭ ورىنباسارى ماحينۇر يسرايلوۆا پارتيا بارلىق رەفورمالاردىڭ ۇيىتقىسى بولۋى كەرەك دەپ سانايدى.
- مەن قوعام قايراتكەرى جانە الماتى قالاسى قحا مۇشەسى رەتىندە بۇل باستامانى قولدايمىن جانە بۇل پارتيانىڭ جاڭا تابىستارى مەن جەتىستىكتەرىنىڭ باستاۋى بولادى دەپ ەسەپتەيمىن. ەرلان قوشانوۆتىڭ: «ۇيىم قىزمەتىن جاڭا ماعىنامەن تولىقتىرۋ ءۇشىن قاجەتتى وزگەرىستەردى ەنگىزۋ كەرەك. وسىعان بايلانىستى پارتيا اتاۋىن وزگەرتۋدى دۇرىس دەپ سانايمىز. قازاقستاننىڭ بيلىك پارتياسىنا اتا-بابامىزعا تاعزىم رەتىندە امانات اتاۋىن بەرۋىمىز كەرەك» دەگەن پىكىرىمەن كەلىسەمىن، - دەيدى ماحينۇر يسرايلوۆا.
ونىڭ ارىپتەسى، «الماتى قالالىق ۇيعىر مادەني ورتالىعى» قوعامدىق بىرلەستىگى ءتوراعاسىنىڭ ورىنباسارى مۇرات حيزمەتوۆ پارتيا جۇمىسى، ونىڭ باعىتتارى مەن ۇستانىمدارى قوعام سۇرانىسىنا ساي قايتا قۇرىلادى دەپ ەسەپتەيدى.
ول سونداي-اق پارتيانى قايتا قۇرۋ بويىنشا ايتىلعان ۇسىنىستاردى قولداپ وتىر. سونىمەن قاتار مۇرات حيزمەتوۆ پرەزيدەنت ۇسىنعان يدەيالار مەن ۇسىنىستاردى جيناقتاۋ بويىنشا رەسپۋبليكالىق اكسيا ۇيىمداستىرۋ ارقىلى ءاربىر قازاقستاندىققا جالپىۇلتتىق كۇن ءتارتىبىن قالىپتاستىرۋعا، اتسالىسۋعا مۇمكىندىك بەرەدى دەگەن پىكىردە.