زاماناۋي تەحنولوگيالار مەن يننوۆاسيالار ەنگىزىلىپ جاتىر.
اۋىل شارۋاشىلىعىندا سۋارمالى ەگىنشىلىكتى دامىتۋدىڭ ەكونوميكالىق، الەۋمەتتىك جانە ەكولوگيالىق ماڭىزىن ەسكەرە وتىرىپ، قازاقستان رەسپۋبليكاسىندا اۋىل شارۋاشىلىعى جەرلەرىن سۋارۋ كەزىندە سۋ شىعىنىن ازايتۋ جونىندە شارالار كەشەنى جۇرگىزىلىپ جاتىر، دەپ حابارلايدى Almaty-akshamy.kz.
مامانداردىڭ ايتۋىنشا، زاماناۋي تەحنولوگيالار مەن يننوۆاسيالاردى ەنگىزۋ ءۇشىن ەكونوميكالىق ىنتالاندىرۋلار ەنگىزىلىپ، اۋىل شارۋاشىلىعى داقىلدارىن ءارتاراپتاندىرۋ جۇرگىزىلىپ وتىر.
2021 جىلى پايدالانىلاتىن سۋارمالى جەرلەردىڭ اۋدانى 1 527 مىڭ گەكتاردى قۇرادى، بۇل 2020 جىلعا قاراعاندا 16،8 مىڭ گەكتارعا ارتىق.
سوڭعى 6 جىلدا وسىمدىك شارۋاشىلىعى ونىمدەرىن ءوندىرۋ وڭ ديناميكانى كورسەتىپ وتىر. ماسەلەن، ەگەر 2020 جىلى سۋارمالى جەرلەردە ءونىم 1،2 ملن گەكتارعا جينالسا، 2021 جىلى بۇل كورسەتكىش 1،4 ملن گەكتاردى قۇرادى.
«2021 جىلى سۋارمالى جەرلەردە اۋىل شارۋاشىلىعى داقىلدارى بويىنشا جالپى جيىن-تەرىم كەلەسىدەي: ءداندى داقىلدار (كۇرىشتى قوسا العاندا) جانە بۇرشاق داقىلدارى – 1739،3 مىڭ توننا، بۇل 2020 جىلعى دەڭگەيدەن 23،8% ارتىق (1404،9 مىڭ توننا)، قانت قىزىلشاسى – 331،4 مىڭ توننا، بۇل 2020 جىلعى دەڭگەيدەن 44،8% ارتىق (228،8 مىڭ توننا)، ءشيتتى ماقتا – 290،4 مىڭ توننا، بۇل 2020 جىلعى دەڭگەيدەن 2020 جىلعى دەڭگەيدەن 10،8% از (325،6 مىڭ توننا)، كوكونىستەر-2701،4 مىڭ توننا، بۇل 2020 جىلعى دەڭگەيدەن 23،8% ارتىق (2181،7 مىڭ توننا)، باقشا داقىلدارى - 2332،3 مىڭ توننا، بۇل 2020 جىلعى دەڭگەيدەن 23،1% ارتىق (1894،2 مىڭ توننا)، مايلى داقىلدار-244،9 مىڭ توننا. بۇل 2020 جىلعى دەڭگەيدەن 65،9% ارتىق (147،6 مىڭ توننا)»،- دەلىنگەن اشم باسپا ءسوز قىزمەتىنىڭ حاباراماسىندا.
رەسپۋبليكا بويىنشا سۋ ۇنەمدەۋ تەحنولوگيالارى ەنگىزىلگەن سۋارمالى جەرلەردىڭ اۋدانى 2021 جىلى 258 مىڭ گەكتاردى قۇرادى، بۇل 2020 جىلعى دەڭگەيدەن 37 مىڭ گەكتارعا كوپ.
قازاقستان رەسپۋبليكاسىنىڭ اگروونەركاسىپتىك كەشەنىن دامىتۋ جونىندەگى 2021-2025 جىلدارعا ارنالعان ۇلتتىق جوباعا سايكەس، 2022 جىلى سۋ ۇنەمدەۋ تەحنولوگيالارى ەنگىزىلەتىن سۋارمالى جەرلەردىڭ الاڭىن 265 مىڭ گەكتارعا دەيىن جەتكىزۋ جوسپارلانىپ وتىر.
سۋ بەرۋ قىزمەتتەرىنىڭ قۇنىن سۋبسيديالاۋ اياسىندا 2021 جىلى 1 938 ملن تەڭگە يگەرىلدى، بۇل 1 010 اۋىل شارۋاشىلىعى تاۋارىن ءوندىرۋشىنى سۋبسيديالاۋعا مۇمكىندىك بەردى.
سۋارمالى جەرلەردىڭ مەليوراسيالىق جاي-كۇيىن قاداعالاۋ جانە باعالاۋمەن 1566،4 مىڭ گا قامتىلعان، جاقسى جاي-كۇيى بار ساناتتارعا 761،4 مىڭ گا (49%) جاتقىزىلعان، جاي-كۇيى قاناعاتتانارلىق 477،0 مىڭ گا (31%) الاڭدا ۇسىنىلعان، جاعدايى قاناعاتتانارلىقسىز الاڭدارعا 310،3 مىڭ گا نەمەسە جالپى باقىلاناتىن الاڭنىڭ 20% ءبولىندى.
مەليوراسيالىق جاعدايى قاناعاتتانارلىقسىز سۋارمالى جەرلەردىڭ نەگىزگى ۇلەسى (200،2 مىڭ گا) تۇركىستان وبلىسىندا ورنالاسقان، وندا مەليوراسيالىق جاي-كۇيى جەرگىلىكتى جەردىڭ گەولوگيالىق قۇرىلىسىنا، سونداي-اق گيدرولوگيالىق جانە يرريگاسيالىق فاكتورلارعا بايلانىستى بولىپ وتىر.
سوڭعى بەس جىلدا جۇرگىزىلگەن تالداۋ قاناعاتتانارلىقسىز مەليوراسيالىق جاي-كۇيى بار الاڭدار 316،7 مىڭ گەكتاردان 310،3 مىڭ گەكتارعا دەيىن ازايعانىن كورسەتتى.
بۇل ءىرى ينۆەستيسيالىق جوبالار مەن سۋ شارۋاشىلىعى ۇيىمدارىنىڭ پايدالانۋ شىعىستارى شەڭبەرىندە سۋارۋ جانە كوللەكتورلىق-سورعىتۋ جەلىلەرىن قالپىنا كەلتىرۋمەن جانە رەكونسترۋكسيالاۋمەن، سونداي-اق مەملەكەتتىك قولداۋ شارالارى ەسەبىنەن اۋىل شارۋاشىلىعى تاۋارىن وندىرۋشىلەر تاراپىنان اگروتەحنيكالىق ءىس-شارالار كەشەنىن ساقتاۋدى جاقسارتۋمەن بايلانىستى.
جالپى، 2022 جىلى سۋارمالى جەرلەردىڭ مەليوراسيالىق جاي-كۇيىن مونيتورينگتەۋ جانە باعالاۋمەن 1574،1 مىڭ گا سۋارمالى جەردى قامتۋ جوسپارلانىپ وتىر.