تۇركسىب اۋدانىندا مەملەكەتتىك قىزمەتتەر جارمەڭكەسى ءوتتى.
ءىس-شاراعا قالالىق باسقارمالاردىڭ، وبلىستىق ءبىلىم بەرۋ جانە دەنساۋلىق ساقتاۋ مەكەمەلەرىنىڭ، ازاماتتاردىڭ ىستەرى جونىندەگى مەملەكەتتىك باسقارۋ ورگاندارىنىڭ، قۇقىق قورعاۋ ورگاندارىنىڭ جانە مەملەكەتتىك قىزمەت كورسەتەتىن باسقا دا ۇيىمداردىڭ وكىلدەرى قاتىستى.
تۇرعىندار وزدەرىن تولعاندىرعان سۇراقتارعا جاۋاپ الدى. سونىمەن قاتار كەلۋشىلەرگە مەملەكەتتىك قىزمەتتەردى كورسەتۋ پروسەدۋرالارى بويىنشا تولىق اقپارات مەن كەڭەس بەرىلدى.
سونداي-اق تۇركسىب اۋدانىنىڭ مۇگەدەكتىگى بار ادامدارعا ارنالعان الەۋمەتتىك قولداۋ ورتالىعى ءتوراعاسى قۇدايبەرگەنوۆ كەنجە وي-پىكىرىن ءبولىستى.
«اۋدانىمىزدا وسىنداي يگى ءىس-شاراعا قاتىسۋ كەرەك دەپ ەسەپتەپ، قاتىستىق. بىزگە ءبىرقاتار ازاماتتار كەلىپ جۇگىندى. مۇگەدەكتىكتى مەرزىمسىز الۋ، ءبىر ەمحانادان ەكىنشىسىنە اۋىسۋ، ءۇي جانە ت.ب. ماسەلەلەرىن ايتىپ كەلدى. بىزدەر ءجون سىلتەپ، كەڭەس بەرىپ، كەلۋشىلەردىڭ سۇراعىنىڭ شەشىلگەنىنە اتسالىسىپ ءجۇرمىز»، - دەدى ول.
سونىمەن بىرگە جارمەڭكە كەلۋشىلەر ءوز ويلارىن ورتاعا سالدى.
«بۇگىنگى ءىس-شارادان وزىمە كەرەك سۇراقتى سۇراپ ءبىلدىم. "جاس قانات" تۇرعىن ءۇي كەشەنىمەن 31 مەكتەپ ارالىعىندا ارنايى بالالارعا ارنالعان قوعامدىق كولىك بولسا دەيمىز. №27 اۆتوبۋسقا قاربالاس كەزدە جۇرت سىيمايدى. مىنە، وسى ويىمىز جۇزەگە اسسا، قۋانىپ قالامىز»، - دەدى قالا تۇرعىنى جاڭاگۇل ەربازاروۆا.
