تاعى 9 قۇرمەتتى اتاق قوسىلادى.
پرەزيدەنت مەملەكەتتىك ماراپاتتار قاتارىنا قوسىلاتىن قۇرمەتتى اتاقتاردىڭ بىرەۋىن اتادى، دەپ حابارلايدى aqshamnews.kz
"مەملەكەتتىك ماراپاتتار جۇيەسىن 9 قۇرمەتتى اتاقپەن تولىقتىرۋ جوسپارلانىپ وتىر. سونىڭ ىشىندە "قازاقستاننىڭ اگرارلىق سالاسىنىڭ ەڭبەك سىڭىرگەن قايراتكەرى" اتاعى بار. بۇل – ەلىمىزدى وركەندەتۋگە ولشەۋسىز ۇلەس قوسقان اۋىل شارۋاشىلىعى ەڭبەككەرلەرىنە شىنايى قۇرمەتتىڭ بەلگىسى. ءقازىر دەپۋتاتتار ءتيىستى زاڭدارعا وزگەرىس ەنگىزۋ ماسەلەسىن قاراستىرىپ جاتىر"، - دەدى توقايەۆ.
ال كەلەسى جىل جۇمىسشى ماماندىقتارى جىلى بولادى.
"جىل بويى ءبىز ناعىز ەڭبەك ادامدارىن جوعارى دەڭگەيدە ۇلىقتايتىن بولامىز. بۇل قوعامدا ەڭبەكقورلىق پەن كاسىبيلىك قۇندىلىقتارىن دارىپتەۋ جىلى بولماق"، - دەپ اتاپ كورسەتتى پرەزيدەنت.