وتە كەرەكتى ورتالىق بولار.
الماتى وبلىسىنىڭ اكىمى قانات بوزىمبايەۆ جاركەنت قالاسىنداعى رەزيدەنسياسىن بالالاردى وڭالتۋ ورتالىعى جاساۋدى ۇسىندى، دەپ حابارلايدى Almaty-akshamy.kz.
مۇنداي ۇسىنىستى وبلىس جەتەكشىسى پانفيلوۆ اۋدانىندا تۇرعىندارمەن كەزدەسۋ وتكىزۋ بارىسىندا ايتقان. بۇل تۋرالى الماتى وبلىسى اكىمىنىڭ باسپا ءسوز قىزمەتى حابارلاپ وتىر.
«ءسوز رەتى كەلگەندە ايتا كەتەيىن، وسى جاركەنت قالاسىندا وبلىس اكىمىنىڭ رەزيدەنسياسى تۇر. جەرىنىڭ كولەمى - 1 گاكتار. ماعان سول رەزيدەنسيانىڭ قاجەتى جوق. اۋداندا قوناتىن جاپ-جاقسى قوناق ۇيلەر بار. تاماقتى ءدامدى دايىندايتىن ءدامحانالار دا كوپ. سوندىقتان رەزيدەنسيانى بالالاردى وڭالتۋ ورتالىعىنا وتكىزىپ بەرەمىن. بۇل بالاسىنىڭ ءومىر ءسۇرۋى ءۇشىن ءار ءساتىن كۇرەسپەن وتكىزىپ جاتقان، ەرەكشە بالالاردى باعىپ-قاعىپ وتىرعان اتا-اناعا وتە كەرەكتى ورتالىق بولار ەدى دەپ ويلايمىن»، - دەدى وبلىس اكىمى قانات بوزىمبايەۆ.
جالپى، جاركەنتتەگى وبلىس اكىمىنىڭ رەزيدەنسياسى 2013 جىلى سالىنعان. ءبىر قاباتتى عيماراتتىڭ كولەمى 910 شارشى مەتر. جەر اۋماعى - 1 گا.
