الماتى وبلىسىنىڭ قاجد قىزمەتكەرلەرى كورىسۋ كۇنىندە يگى ىسكە ۇلەس قوستى
الماتى وبلىسى بويىنشا قاجد قاراستى ىلە اۋداندىق پروباسيا قىزمەتكەرلەرى كورىسۋ مەرەكەسىن قايىرىمدىلىقپەن اتاپ ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
قاج قىزمەتكەرلەرى مەرەكە قارساڭىندا پروباسيا ەسەبىندە تۇرعان جاعدايى تومەن سوتتالعانداردىڭ مەكەنجايلارىن ارالاپ، كورىسىپ، ەڭ قاجەتتى ازىق-تۇلىك جينالعان سەبەتتەرىن ۇسىندى.
«كءورىسۋ كۇنىنە وراي ۇيىمداستىرىلعان بۇل شارا – قاج قىزمەتكەرلەرىنىڭ قايىرىمدىلىق شاراسى. بۇل الەۋمەتتىك ءتۇرعىدان جاعدايى تومەن جانە از قامتىلعان كوپ بالالى سوتتالعانداردىڭ وتباسىلارىنا قولداۋ كورسەتۋگە باعىتتالعان»، – دەپ اتاپ ءوتتى وڭىرلىك قاجد باستىعىنىڭ ورىنباسارى جانىبەك قوسجانوۆ.