ەكى التىن، ءۇش كۇمىس جانە 10 قولا.
تەگەراندا تاەكۆوندودان حالىقارالىق تۋرنيرلەر سەرياسى ءوتتى. ازيا فەدەراسياسىنىڭ پرەزيدەنتى كۋبوگىنىڭ سوڭعى كۇنىندە قازاقستان قورجىنىنا تاعى ءبىر مەدال ءتۇستى، دەپ حابارلايدى Almaty-akshamy.kz Olympic.kz سىلتەمە جاساپ.
بۇل جولى 68 كەلىنىڭ وكىلى ەراسىل اراپباي قولا جۇلدەگە قول جەتكىزدى.
وسىلايشا قازاقستاندىقتار اتالعان تۋرنيردە ءۇش مەدال يەلەندى: جانسەل دەنيز – التىن، سمايىل دۇيسەباي مەن ەراسىل اراپباي – قولا جۇلدەگەرلەر.
ەستەرىڭىزگە سالا كەتەيىك، قازاقستاندىقتار يران استاناسىندا ءۇش حالىقارالىق جارىسقا قاتىستى: كلۋبتار اراسىندا ازيا چەمپيوناتى، ءداستۇرلى Fajr Open ءتۋرنيرى جانە ازيا فەدەراسياسى پرەزيدەنتىنىڭ كۋبوگى.
الامان بايگەلەر قورىتىندىسى بويىنشا قازاقستان ۇلتتىق قۇراماسىندا ءارتۇرلى دارەجەدەگى 15 مەدال بار: ەكى التىن، ءۇش كۇمىس جانە 10 قولا.