الماتىدا بەلگىلى رەجيسسەر ەركىن راقىشيەۆتىڭ «جارالى سەزىم 2» ءفيلمىنىڭ جابىق كورسەتىلىمى ءوتتى.
2007 جىلى شىققان «جارالى سەزىمدەگى» قانات پەن ارايدىڭ ديالوگى، ءفيلمنىڭ جەلىسى ءالى كۇنگە دەيىن كوپتىڭ ەسىندە بولار. 17 جىلدان سوڭ رەجيسسەر ەركىن راقىشيەۆ ءفيلمنىڭ ەكىنشى ءبولىمىن ءتۇسىردى.
ءفيلمنىڭ جەلىسى بويىنشا، سول كەزدەگى عاشىقتار - قانات پەن ارايدىڭ بالاسى ازامات ەسەيىپ، ەسىرتكىگە تاۋەلدى بولادى. ءوزى دە ونى ساتۋمەن اينالىسادى. كافەدە كەزدەستىرىپ قالعان قىزعا عاشىق بولادى. وقيعا وسى جەردەن باستالادى. فيلمنەن كورەرمەن قانات، يۆان، سوكرات سىندى كەيىپكەرلەردى سومداعان اكتەرلەردى قايتا كورە الادى. ءبىرىنشى بولىمدە قاناتتىڭ دوستارى بولعان بۇل اكتەرلەر جاڭاشا قىرىنان تانىلادى. سونداي-اق، باستى كەيىپكەرلەر - جاڭا اكتەرلەرلەردى دە كورە الاسىزدار. قانات پەن ارايدىڭ بالاسىن سومدايتىن جاس اكتەر - اباي ءماجيت ءوزىنىڭ كەيىپكەرىن ءساتتى الىپ شىققان.
«2007 جىلى «جارالى سەزىم» ءفيلمىن تۇسىرگەن ەدىم. فيلم تۋرالى «قازاق كينوسىنا جاڭا لەپ اكەلگەن، تاربيەلىك ءمانى زور، اسا اسەرلى تۋىندى» دەپ حالىق جوعارى باعاسىن بەرگەن بولاتىن. ەندى اراعا 17 جىل سالىپ، ءبىرىنشى ءفيلمنىڭ جالعاسىن - «جارالى سەزىم 2» ءفيلمىن ءتۇسىردىم. تاربيەلىك ءمانى بار بۇل فيلمدە ماحابباتقا ادالدىق، قايسارلىق پەن تاباندىلىق، ەل مەن جەردى، وتاندى سۇيۋگە باۋليتىن سيۋجەتتەر كورىنىس تابادى» - دەيدى ءفيلمنىڭ رەجيسسەرى ەركىن راقىشيەۆ.
فيلم 22 اقپاننان باستاپ بارلىق كينوتەاتردان كورسەتىلەدى.