شىمكەنتتە حالىقارالىق ىزدەۋدە جۇرگەن شەتەلدىك ازامات ۇستالدى. ول 14 جىل بويى جازاسىن وتەۋدەن قاشىپ جۇرگەن، – دەپ حابارلايدى Polisia.kz.
38 جاستاعى ەر ادامدى تۇران اۋدانىنىڭ كوشى-قون قىزمەتكەرلەرى رەيدتىك شارا جۇرگىزۋ بارىسىندا انىقتادى. ەل اۋماعىندا زاڭسىز ءجۇرىپ-تۇرعان شەتەلدىك ۇزاق جىلدار بويى قىلمىستىق قۋدالاۋدان جاسىرىنىپ كەلگەنى بەلگىلى بولدى. وعان قاتىستى ءىرى كولەمدە الاياقتىق جاساعانى ءۇشىن 2010 جىلى تاشكەنتتىك قۇقىق قورعاۋشىلار قىلمىستىق ءىس قوزعاعان.
ق ر كوشى-قون سالاسىنداعى زاڭناماسىن بۇزعانى ءۇشىن ەر ادامعا اقبتك-تىڭ 517-بابىنا سايكەس شارا قابىلداندى.
قازىرگى تاڭدا ۇستالعان ازامات ءوز ەلىنە جىبەرىلدى.