«الماتى – ءبىزدىڭ ورتاق ءۇيىمىز» ناۋقانىنا قاتىسۋعا جانە قالانى كوركەيتۋگە ۇلەس قوسۋعا نيەت بىلدىرگەن تۇرعىنداردان ءوتىنىشتىڭ كوپ بولۋىنا بايلانىستى الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسى «جاقىنىڭا جاردەم بەر» اكسياسىن وتكىزۋ تۋرالى حابارلايدى.
باستاما ۇوس ارداگەرلەرى، قارتتار مەن مۇمكىندىگى شەكتەۋلى جاندار تۇراتىن جەكە تۇرعىن ۇيلەردىڭ قورشاۋى مەن ءۇي ماڭىنداعى اۋماقتىڭ ەستەتيكالىق كۇتىمىن جاقسارتۋعا باعىتتالعان.
بۇل اۋماقتاردا قورشاۋدى، قاقپانى سىرلاۋ، ىرگەلەس اۋماقتى قوقىستان تازارتۋ جانە وسى سياقتى ت.ب. جۇمىستار جۇرگىزۋ قاجەت.
ءىس-شاراعا قالانىڭ بارلىق تۇرعىنى قاتىسا الادى. قاتىسۋشىلارعا وتەۋسىز نەگىزدە قورشاۋدى، قاقپانى سىرلاۋعا ارنالعان بوياۋلار مەن ەرىتكىشتەر بەرىلەدى (ءبىر ادامعا 2 كەلىگە دەيىن بوياۋ بەرىلەدى).
ول ءۇشىن اۋداندىق اباتتاندىرۋ ءبولىمىنىڭ جاۋاپتى تۇلعالارىنا جۇگىنۋ قاجەت. ناۋقانعا قاتىسۋ ءۇشىن الدىن-الا تىركەلۋدىڭ قاجەتى جوق.
ناۋرىزباي اۋدانىنىڭ وقۋشىلارى «الماتى - ءبىزدىڭ ورتاق ءۇيىمىز» ناۋقانى اياسىندا مۇگەدەكتىگى بار ادامدار مەن جالعىزباستى زەينەتكەرلەرگە ۇيلەردىڭ اۋماعىن تازالاۋعا كومەكتەستى. سونىمەن قاتار، ولار ءوز كۇشىمەن قورشاۋدى قالپىنا كەلتىرۋگە، قاقپانى بوياۋعا، باقتار مەن اۋلالاردى تازارتۋعا كومەكتەستى.
بوياۋ الۋعا بولاتىن مەكەنجايلار مەن بايلانىس نومىرلەرى. سونداي-اق وسى نومىرلەر ارقىلى كومەككە مۇقتاج ادامداردىڭ ءتىزىمىن ناقتىلاۋعا بولادى
1. الاتاۋ اۋدانى: ۆەسەلوۆ كوشەسى، 18 «ا» (تالعات +7 708 502 03 68)
2. المالى اۋدانى: تولە بي كوشەسى، 67 (نۇرداۋلەت +7 775 888 77 55)
3. اۋەزوۆ اۋدانى: مامىر-1 ش/ا.، 26/1 (باۋىرجان +7 707 008 09 13)
4. بوستاندىق اۋدانى: تاجىبايەۆ كوشەسى، 155 "ا" (ليديا +7 777 684 99 44)
5. جەتىسۋ اۋدانى: تيحوۆ كوشەسى، 87 «ا» (نۇربەرگەن +7 747 772 74 78)
6. مەدەۋ اۋدانى: پۋشكين كوشەسى، 72 (ابىلاي +7 778 111 55 44)
7. ناۋرىزباي اۋدانى: بايسۇلتانوۆ كوشەسى، (وڭالبەك +7 707 300 03 55)
8. تۇركسىب اۋدانى: شولوحوۆ كوشەسى، 9 (بولات +7 747 139 93 60).
ەستەرىڭىزگە سالا كەتەيىك، 8 ساۋىردە «الماتى – ءبىزدىڭ ورتاق ءۇيىمىز» ناۋقانى باستالدى. ءاربىر تۇرعىن قالانى دامىتۋ مەن كوركەيتۋگە ۇلەس قوسا الادى.
تولىق اقپارات almaty.kz سايتى مەن الماتى اكىمدىگىنىڭ الەۋمەتتىك جەلىلەرىندەگى پاراقشالارىندا جاريالانادى. سونداي-اق، قالاداعى باننەر، پلاكات جانە افيشالارداعى ارنايى QR-كود ارقىلى ۆەب-سايتقا كىرۋگە بولادى.
ناۋقاننىڭ بەلسەندى قاتىسۋشىلارىنا ارنالعان الەۋمەتتىك جەلىدەگى حەشتەگتەر: #الماتىناشوبششييدوم، #ناسمنوگوگورودودين، #ءالماتىبىزدىڭورتاقۇيىمىز، #بىزكوپپىزقالاجالعىز.