قاسىم-جومارت توقايەۆ قازاقستاندىقتاردى روجدەستۆو مەرەكەسىمەن قۇتتىقتادى، ىزگىلىك پەن مەيىرىمگە تولى بۇل كۇننىڭ قوعامدا رۋحاني قۇندىلىقتاردى نىعايتۋداعى ماڭىزىن اتاپ ءوتتى، دەپ حابارلايدى aqshamnews.kz
قۇرمەتتى وتانداستار!
ەلىمىزدىڭ بارشا پراۆوسلاۆ حريستياندارىن روجدەستۆو مەرەكەسىمەن قۇتتىقتايمىن!
جۇرتقا جاقسىلىق پەن ءۇمىت سىيلايتىن وسى جارقىن مەيرامدا ءدىندار جاندار ادامي قۇندىلىقتارعا قىزمەت ەتۋ جولىندا ءوزارا بىرىگەدى.
روجدەستۆودا ازاماتتار ەرەكشە قۋانىشقا بولەنەدى، پراۆوسلاۆ ءدىنىن ۇستاناتىن ادامدار جاقىندارىنا قامقورلىق كورسەتىپ، مۇقتاج ادامدارعا جاناشىرلىق تانىتۋعا اسىعادى.
پراۆوسلاۆ ءدىنى ەلدىڭ بەرەكەلى بىرلىگى مەن ىرىستى ىنتىماعىن نىعايتا تۇسۋگە، جالپىۇلتتىق بىرەگەيلىگىمىزدىڭ وزەگى سانالاتىن وتانشىلدىق، جاسامپازدىق جانە جاۋاپكەرشىلىك سياقتى قۇندىلىقتاردى دارىپتەۋگە مول ۇلەس قوسىپ كەلەدى.
قوعامداعى تاتۋلىق پەن تۇسىنىستىك قازاقستاننىڭ تۇراقتى دامۋىنىڭ مىزعىماس تىرەگى بولىپ قالا بەرەتىنىنە كامىل سەنەمىن.
ەلىمىزدىڭ پراۆوسلاۆ حريستياندارىنا زور دەنساۋلىق، باق-بەرەكە جانە تولاعاي تابىس تىلەيمىن!
روجدەستۆو مەرەكەسى قۇتتى بولسىن!
كەرەك دەرەك
- روجدەستۆو – يسا ءماسىحتىڭ دۇنيەگە كەلۋىن اتاپ وتەتىن حريستياندىق مەرەكە.
- روجدەستۆونى كاتوليكتەر مەن پروتەستانتتار – 25 جەلتوقسان، پراۆوسلاۆتار – 7 قاڭتار اتاپ وتەدى.
- مەرەكەنىڭ ءمانى: مەيىرىمدىلىك، رۋحاني تازالىق پەن سۇيىسپەنشىلىكتى دارىپتەيدى.
- سالت-داستۇرلەر: شىركەۋ قىزمەتتەرى، قايىرىمدىلىق ىستەر، وتباسىلىق داستارحاندار.
- قازاقستاندا: مەملەكەتتىك دەڭگەيدە تانىلعان، ەلدەگى بەيبىتشىلىك پەن دوستىقتىڭ سيمۆولى رەتىندە اتاپ وتىلەدى.