«قازگيدرومەت» مالىمەتىنشە، وسى سيكلوننىڭ اسەرىنەن:
- سولتۇستىك-باتىس، سولتۇستىك، شىعىس جانە ورتالىق وڭىرلەردە قار، بوران، كەي جەرلەردە قاتتى قار جاۋادى.
- وڭتۇستىك-باتىس، وڭتۇستىك جانە وڭتۇستىك-شىعىس وڭىرلەردە جاڭبىر، قار كۇتىلەدى.
- تۇركىستان وبلىسىنىڭ تاۋلى ايماقتارىندا قاتتى جاۋىن-شاشىن (جاڭبىر، قار) بولادى.
7 قاڭتارعا 14 وبلىس پەن ەلوردادا داۋىلدى ەسكەرتۋ جاريالاندى.
اۋا رايىنىڭ قىسقاشا مالىمەتى:
▪️ استانا: كۇندىز −2-4 °C، بۇلتتى، كەيدە قار جاۋادى. قولايسىز بوران، كوكتايعاق، جەلدىڭ جىلدامدىعى 9-14 م/س. تۇندە −13-15 °C، قاتتى قار جاۋىپ، بوران بولادى، كەيدە تۇمان تۇسەدى.
▪️ الماتى: كۇندىز +2+4 °C، جەلسىز، جاۋىن-شاشىنسىز. تۇندە −5-7 °C، كەيدە قاتتى قار جاۋىپ، تۇمان جانە كوكتايعاق كۇتىلەدى.
▪️ شىمكەنت: كۇندىز +6+8 °C، تۇستەن كەيىن جاڭبىر جاۋادى. تاڭەرتەڭ جانە كۇندىز جەلدىڭ ەكپىنى 23 م/س-قا دەيىن كۇشەيەدى. تۇندە −6-8 °C، قار، بوران كۇتىلەدى.