اقش-تىڭ سوڭعى 30 جىلداعى ەڭ جاقسى جانە ەڭ ناشار پرەزيدەنتى انىقتالدى.
Rasmussen Reports امەريكالىقتار اراسىندا ساۋالناما جۇرگىزدى، دەپ حابارلايدى Almaty-akshamy.kz Ulysmedia.kz-كە سىلتەمە جاساپ.
الەۋمەتتىك زەرتتەۋ قورىتىندىسى بويىنشا، رەسپوندەنتتەردىڭ باسىم بولىگى ەكس-پرەزيدەنت دونالد ترامپتى سوڭعى 30 جىلداعى ەڭ جاقسى جانە ەڭ ناشار پرەزيدەنت دەپ ەسەپتەيتىنى بەلگىلى بولدى.
«پرەزيدەنتتەردىڭ اراسىندا كىم ەڭ جاقسى جانە ەڭ ناشار مەملەكەت باسشىسى بولدى؟» دەگەن سۇراق قويىلعاندا امەريكالىقتاردىڭ كوبى ءبىرىنشى بولىپ ترامپتىڭ ەسىمىن اۋىزعا العان.
ساۋالناماعا قاتىسقانداردىڭ 36 پايىزى ترامپتى ەڭ جاقسى پرەزيدەنت دەپ تانىسا، 30 پايىزى جاقسى دەپ اق ءۇيدىڭ بۇرىنعى باسشىسى باراك وبامانى جانە كىشى دجوردج بۋشتىڭ ەسىمىن ايتقان.
ساۋالناماعا قاتىسقانداردىڭ 41 پايىزى ترامپتى اقش-تىڭ ەڭ ناشار مەملەكەت باسشىسى بولعان دەسە، داۋىس بەرگەن حالىقتىڭ 39 پايىزى قازىرگى پرەزيدەنت دجوزەف بايدەندى ەكىنشى ورىنعا شىعارعان. ءۇشىنشى ورىندا – باراك وباما.