بۇل - بيلىكتىڭ تارتقان رەسمي اقپاراتى.
ءزىلزالانىڭ كۇشى 7،6 بالعا دەيىن جەتكەن. بىرنەشە قالادا جاراقات العان ونداعان تۇرعىن اۋرۋحاناعا تۇسكەن. ىزدەۋ-قۇتقارۋ جۇمىستارى دامىلسىز ءجۇرىپ جاتىر، دەپ حابارلايدى Almaty-akshamy.kz.
24.kz اقپاراتىنا ساي، ۇكىمەت قۇرباندار قاتارى ءالى ءوسۋى مۇمكىن ەكەنىن ەسكەرتەدى. ءزىلزالا كەزىندە 200-دەن استام عيماراتتا ءورت شىقتى. نوتو تۇبەگىنە اپاراتىن جولدار قيراپ، كولىكتەر قاتىناي الماي قالدى. وسى ساتكە دەيىن 50 مىڭعا جۋىق تۇرعىن ءقاۋىپسىز جاققا كوشىرىلگەن. ءقاۋىپ ءالى سەيىلگەن جوق. بيلىك ءالى دە جەر سىلىكىنۋى مۇمكىن ەكەنىن ەسكەرتەدى.
«ءزىلزالا وشاعىنا جاقىن شيكا اتوم ەلەكتر ستانسياسىنان باستاپ باسقا دا نىسانداردا ەشقانداي اقاۋ تىركەلگەن جوق. جەراستى دۇمپۋلەرى قايتالانۋى مۇمكىن ەكەنىن جوققا شىعارا المايمىز. سوندىقتان بارشا ادامدى بارىنشا ساق بولۋعا شاقىرامىن. راديو جانە ونلاين حابارلارعا قۇلاقى ءتۇرىپ وتىرىڭىزدار. بيلىك ەۆاكۋاسيا تۋرالى شەشىم قابىلداۋى دا مۇمكىن»، - دەيدى جاپونيا مينيسترلەر كابينەتىنىڭ باس حاتشىسى ءوسيماسا حاياسي.