«الماتى قالا جارىق» مكك قىزمەتكەرلەرى اينالما جولداردا جارىق بەرەتىن قۇرالداردى قالپىنا كەلتىرۋدى جالعاستىرىپ كەلەدى.
ءال-فارابي داڭعىلى مەن جاروكوۆ كوشەسىنىڭ قيىلىسىنداعى جولايىرىقتا بيىكتىگى شامامەن 40 م بولاتىن 9 دىڭگەك قالپىنا كەلتىرىلدى.
دىڭگەكتەر ۇلكەن اۋماقتار جانە ءىرى ينفراقۇرىلىمدىق نىسانداردى – سپورت عيماراتتارىن، اۋەجايدى، تەمىرجول بەكەتتەرىن، اۆتوموبيل جولدارىن، جولايىرىقتاردى، ونەركاسىپتىك كاسىپورىنداردى، اۆتوتۇراقتاردى جانە ت.ب. جارىقتاندىرۋعا ارنالعان.
جاروكوۆ كوشەسى مەن ءال-فارابي داڭعىلىنىڭ قيىلىسىندا كولىك كوپ جۇرەتىن ۋچاسكەدە جارىق بەرۋدى ارتتىرۋ ءۇشىن 400 ۆاتت بولاتىن 90 شام ورناتىلدى.
قالپىنا كەلتىرۋ جۇمىستارى كەزىندە 630 مەتر مىس كابەل اۋىستىرىلدى. «الماتى قالا جارىق» مكك ماماندارى اتاعانداي، بۇرىن بۇل جولايىرىقتا جارىق كومەسكى ەدى، قۇرال-جابدىقتىڭ ساپاسىزدىعىنا بايلانىستى جارىق وقتىن-وقتىن ءوشىپ قالاتىن.
ءال-فارابي داڭعىلىنداعى تۇنەلدەردە دە جارىقتاندىرۋ قالپىنا كەلتىرىلدى.
ەستەرىڭىزگە سالا كەتەيىك، قازان ايىندا «الماتى قالا جارىق» مكك كوشە جارىعىن ماسەلەسىن شەشۋ ءۇشىن تەحنيكالىق قىزمەتكەرلەر شتاتىن كوبەيتتى. الماتى قالاسىنىڭ اكىمى ەربولات دوسايەۆتىڭ تاپسىرماسىمەن العاشقى بريگادا جاساقتالىپ، 30 ادامعا جەتتى. ءموبيلدى توپ قىزمەتكەرلەرى كوشەنى جارىقتاندىرۋ تۇيتكىلىن تەزدەتىپ شەشۋ ءۇشىن جەكە قورعانىس قۇرالدارىمەن جابدىقتالعان.