تەڭگەگە شاققاندا 3،5 ميلليون تولەنەدى.
جاپونيادا توكيودان وزگە ايماقتارعا قونىس اۋدارعان ءار ازاماتقا 1 ميلليون يەن تولەنەتىن بولدى. ياعني، وتباسىنداعى ءار بالاعا جەكە-جەكە تولەنەدى. بۇل تەڭگەگە شاققاندا 3،5 ميلليون بولادى، دەپ حابارلايدى Almaty-akshamy.kz Inbusiness.kz سايتىنا سىلتەمە جاساپ.
شارا الىپ شاھارداعى حالىقتىڭ تىعىز ورنالاسۋ ماسەلەسىن شەشۋ ءۇشىن قولعا الىنعان. ازاماتتار قوماقتى قارجىنى الۋ ءۇشىن كەم دەگەندە 5 جىل تۇرۋى ءتيىس. ەگەر ەرتە كوشىپ كەتسە، ونى كەرى قايتارۋى كەرەك. ۇكىمەت باستاما الداعى 4 جىلدا توكيودان اۋىلدى جەرلەرگە 10 مىڭ تۇرعىننىڭ قونىس اۋدارۋىنا اكەپ سوقتىرادى دەپ ۇمىتتەنەدى. ءقازىر جاپونيا استاناسىندا 14 ميلليون ادام تۇرادى. ال ەلدىڭ قالعان وڭىرلەرىندە جاستار ازايىپ، حالىقتىڭ قارتايىپ بارا جاتقانى بايقالادى.