جاپونيانىڭ حيروسيما قالاسىنداعى سامميتكە جينالعان «ۇلكەن جەتىلىك» ەلدەرىنىڭ ليدەرلەرى رەسمي كەلىسسوزدەردى باستادى.
بۇگىنگى جيىندا ايماقتىق ماسەلەلەر تالقىلانىپ جاتىر، دەپ حابارلايدى Almaty-akshamy.kz.
Qazaqstan.tv اقپاراتىنا سايكەس، وتىرىس باستالماس بۇرىن مەيماندار بەيبىتشىلىك مەموريالدىق ساياباعىنا باردى. 1945 جىلعى اتوم بومباسىنىڭ قۇرباندارىنا تاعزىم ەتىپ، گۇل شوقتارىن قويدى. سودان كەيىن اعاش وتىرعىزۋ راسىمىنە قاتىستى. ءۇش كۇندىك فورۋمدا الەمنىڭ دامىعان دەموكراتيالىق مەملەكەتتەرىنىڭ باسشىلارى ۋكرايناعا كومەك، قىتايمەن قاتىناس، كليماتتىڭ وزگەرۋى، دامۋشى ەلدەردىڭ قارىزى جانە تازا ەنەرگياعا كوشۋ ماسەلەلەرىن تالقىلايدى. سونىمەن بىرگە العاش رەت جاساندى ينتەللەكتى پايدالانۋدى رەتتەۋ تۋرالى دا ءسوز قوزعاماق.
ايتا كەتسەك، «ۇلكەن جەتىلىك» توبىندا اقش، جاپونيا، گەرمانيا، ۇلىبريتانيا، فرانسيا، كانادا، يتاليا بار.